Од почетокот на руско-украинскиот конфликт па досега, според информациите на Министерството за внатрешни работи, во Македонија влегле 1.924 украински државјани, а на излез од државата во овој период се регистрирани 1.365, потврди владиниот портпарол Душко Арсовски.
Досега, како што посочи тој во одговор на новинарско прашање на прес-конференција во Владата, нема лица кои побарале статус на бегалец и сите кои доаѓаат се сместуваат кај роднини или пријатели.
– Македонија не е на рутата на бегалци од војната во Украина на начин каков што гледавме претходните години во однос на бегалската криза од војната во Сирија. Независно од тоа Владата презема конкретни чекори и беа задолжени министерствата за труд и социјална политика, за здравство, за финансии, за надворешни и за внатрешни работи да преземат мерки за организирано прифаќање на евентуални бегалци и нивно сместување. Министерството за финансии беше задолжено да обезбеди 120 милиони денари (околу А$ 3 милиони) за хотелско сместување и дополнителни услуги за граѓани на Украина кои би дошле во РС Македонија. Досега според последните информации нема лица кои побарале статус на бегалец. Сите оние кои доаѓаат се сместуваат кај роднини и кај пријатели, рече Арсовски.
Половина од украинските деца раселени поради војната
Според податоците на ОН, половина од децата во Украина се раселени поради војната. Едномесечната војна во Украина расели повеќе од половина од детската популација во земјата, соопшти Агенцијата за деца на Обединетите нации
