Македонската ракометна репрезентација во 2023 година ќе игра на Светското првенство, откако во спортскиот центар „Борис Трајковски“ ја победивме репрезентацијата на Чешка со 27:25. Овој триумф беше доволен за Македонија да ја продолжи повеќе од еднодецениската низа да биде дел од завршницата на голените натпреварувања. За Македонија ова ќе биде осмо учество на Мундијалите, а шести во низа.
Нашите најдобри ркометари мораа да бркаат победа откако на првиот меч во Злин беше 24:24. Чесите водеа само на почетокот со 4:2, а потоа со серија од 5:0, Македонија поведе со 7:4. До крајот на првото полувреме, гостите на три пати успеаа да стигнат на еден негатива, а на полувреме се замина со резултат 14:12.
Во второто полувреме Македонија поведе и со 20:16 (41 минута), а потоа речиси постојано разликата се движеше од два до три разлика за Македонија. На седум минути до крајот, Македонија водеше со 25:22, но Чесите се мини серија од 2:0 стигнаа до 25:24 на две минути до крајот.
Македонија побара тајм аут, а потоа Филип Талески даде гол за 26:24. Чесите брзо вратија за 26:25 преку Бабак на една и пол минута до крајот. Во последниот наш напад, Јагудиновски изнуди пенал, а Филип Кузмановски даде гол на 17 секунди до крајот.
Тој беше многу значаен психолошки бидејќи стана јасно дека дури Чесите и ако набрзина постигнат возвратен гол, Македонија веќе ја обезбеди победата.
Кузмановски со девет гола беше најефикасен кај Македонија, а Талески даде шест погодоци, додека голманот Митревски имаше 14 одбрани.
Бараж за СП 2023
Реванш, СЦ „Борис Трајковски“ – Скопје, Гледачи: 7.000
(прв натпревар Чешка – Македонија 24:24)
Македонија – Чешка 27:25 (14:12)
Македонија: Митревски (13 одб.), Томовски, Стоилов, Лазаров 2, Талески 6, Миркуловски 2, Н. Маркоски 1, Кузмановски 9, Георгиевски, Ојлески, Младеновиќ, Пешевски 3, Јагуриновски 3, Атанасијевиќ 1, Серафимов, Мишевски.
28 Oct 2026
26 Oct 2026
