Македонскиот селектор Благоја Милевски го објави списокот на фудбалери за двата последни меча од овој трет циклус во Лигата на нации, за пресметките со Грузија (23 септември) на гости и Бугарија (26 септември) дома.
Меѓу избраните има нов дебитант – Агрон Елези од хрватски Вараждин. Елези е поранешен младински репрезентативец на Македонија, кој сега добива повик во А-тимот со што продолжува праксата за повици на дел од некогашните младински репрезентативци, започнат уште со доаѓањето на Милевски на кормилото, па десетина играчи веќе продефилираа во националниот тим и поголем дел веќе и дебитираа.
Дебитантот Елези е единственото име на списокот на кои останатите се безмалку истите што добиваа повици, со тоа што овојпат од „стандардните“ ги нема Бобан Николов, Давид Бабунски, Кире Ристевски…, кои сè уште немаат клубови и не се во натпреварувачки ритам.
Во репрезентацијата се враќа Љупчо Дориев од Шкендија, како и голманот Игор Алексовски од Работнички.
Голмани: Столе ДИМИТРИЕВСКИ (Рајо Ваљекано, Шпанија), Дамјан ШИШКОВСКИ (Докса, Кипар), Кристијан НАУМОВСКИ (Шкупи), Игор АЛЕКСОВСКИ (Работнички);
Одбрана: Стефан РИСТОВСКИ (Динамо Загреб, Хрватска), Дарко ВЕЛКОВСКИ (Ал Етифак, Саудиска Арабија), Висар МУСЛИУ (Инглоштат, Германија), Езѓан АЛИОСКИ (Фенербахче, Турција), Тодор ТОДОРОВСКИ (Сумгаит, Азербејџан), Стефан АШКОВСКИ (Ламиа, Грција), Никола СЕРАФИМОВ (МОЛ Види, Унгарија), Ѓоко ЗАЈКОВ (Ворскла, Украина), Бојан ДИМОСКИ (Академија Пандев);
Среден ред: Елиф ЕЛМАС (Наполи, Италија), Енис БАРДИ (Трабзонспор, Турција), Аријан АДЕМИ (Динамо Загреб, Хрватска), Енис ФАЗЛАГИЌ (Дунајска Стреда, Словачка), Агон ЕЛЕЗИ (Вараждин, Хрватска), Јани АТАНАСОВ (Хајдук, Хрватска), Стефан СПИРОВСКИ (Пјуник, Ерменија);
Напад: Милан РИСТОВСКИ (Спартак Трнава, Словачка), Бојан МИОВСКИ (Абердин, Шкотска), Дарко ЧУРЛИНОВ (Барнли, Англија), Александар ТРАЈКОВСКИ (Ал Фејха, Саудиска Арабија), Ваљон ЕТЕМИ (Истанбулспор, Турција), Дориан БАБУНСКИ (Дебрецин, Унгарија), Љупче ДОРИЕВ (Шкендија);
