Српскиот центар, Никола Јокиќ, прифати нов договор со екипата на Денвер Нагетс. Иако фановите на клубот од Колорадо се плашеа дека ѕвездата ќе замине, до тоа нема да дојде.
Бидејќи е “ол стар“ играч и добитник на МВП наградите, тој ги исполни критериумите за супермакс договор кој му носи 264 милиони американски долари за пет години во франшизата од Колорадо, што е рекорд во најсилната кошаркарска лига на светот.
Јокиќ сезонава имаше просек од 27,1 поен и 13,8 скока по натпревар. Две сезони тој е најдобриот играч во НБА лигата а Денвер мора да размисли како да го засили тимот за да почне да се бори за успеси.
