Првиот тренер кој собра храброст да го испрати Кристијано Роналдо на клупата е Ралф Рангник, по што Португалецот се чувствуваше засрамено. Реагираше шокантно, се качи на авион и замина во Португалија.
Роналдо кажа дека е целосно подготвен за предизвиците, иако Рангник ја послуша медицинската служба на тимот и реши да го остави на клупата за дуелот против Манчестер сити (Јунајтед загуби 4:1).
– Треба да им верувам на докторите. Тие ми кажаа дека Роналдо не е подготвен затоа што има проблеми со колкот, кажа Германецот.
Англиските медиуми пишуваат дека “второто пришествие“ на Роналдо во Јунајтед е при крај, односно се договара сензационален трансфер.
Како нов тим за Португалецот се споменува Интер Мајами, чиј газда е Дејвид Бекам, кој веќе ангажираше неколку поранешни европски ѕвезди во својата екипа.
Сепак, останува прашањето дали Роналдо сака да го напушти европскиот фудбал во година кога има Светско првенство.
