Добитници на наградата „11 Октомври“

По повод празникот 11 Октомври – Ден на народното востание, во Кристалната сала на Собранието беше врачена истоимената државна награда.

За животно дело во областа на науката, наградата им беше доделена на лингвистот проф. д-р Димитар Пандев, универзитетската професорка Ѓулумсер Касапи и на проф. д-р Владо Поповски – доктор по историско-политички и правни науки. Во областа на културата и уметноста, наградата му беше доделена на писателот и универзитетски професор Венко Андоновски.

Писателот и универзитетскиот професор Андоновски, заблагодарувајќи се во име на сите добитници, истакна дека револуцијата, недостатокот и врвот се „три свети зборови“ што го објаснуваат човековиот стремеж кон успехот.

– Секој од нас си го проектира својот врв во животот кој сака да го достигне, рече Андоновски, додавајќи дека за постарите генерации „недостигот од леб и права“ бил двигателот што ги водел кон нивните цели. – Патот до врвот ја чини смислата, а не качувањето на врвот. И по највисоките признанија остануваат нови предизвици. Тој врв ни отвори многу наши внатрешни врвови кои допрва треба да ги освојуваме, порача тој.

Наградата „11 Октомври“ е највисоко признание за животно дело во областа на науката, уметноста, стопанството и други дејности од јавен интерес.