Екипата на Рокдаел Илинден оствари значајна победа на гостувањето кај СД Раидерс, триумфирајќи со 1:2 и освојувајќи нови три бодови во шампионатот.
„Комитите“ го отворија резултатот уште во 12. минута, кога Олиер Вигин прецизно ја затресе противничката мрежа за рано водство и самодоверба на тимот. Илинден продолжи со организирана и дисциплинирана игра, а наградата пристигна во финишот на првото полувреме. Во 44. минута Муди Наџар ја зголеми предноста на 0:2, крунисувајќи ја добрата акција на својот тим.
Во вториот дел домаќините се обидоа да се вратат во натпреварот, вршејќи притисок кон голот на Илинден. Сепак, одбраната успешно одолеваше на нападите сè до самиот крај. Дури во судиското продолжение, во 93. минута, СД Раидерс преку Јаков Малбаса успеа да го ублажи поразот, поставувајќи ги конечните 1:2.
Во следното коло, в сабота (7 март) со почеток од 19:30 часот, Рокдаел Илинден на домашен терен ќе ја пречека екипата на Сиднеј Олимпик, во натпревар кој се очекува да донесе возбудлив фудбалски дуел.
ТАБЕЛА
Сиднеј Јунајтед 12
Сент Џорџ Саинтс 10
Макрони 9
Сиднеј 9
Рокдаел Илинден 9
АПИА Лаикард 7
НЈВ Спирит 6
Сент Џорџ Сити 5
Манли Јунајтед 5
Сиднеј Олимпик 4
Блактаун Сити 4
В.С. Вондерерс 3
Волонгонг Вулвс 3
СД Раидерс 1
УНСВ 1
Сатерланд 0
