Во првото коло на Првата лига на НЈВ, Сиднеј Македонија одигра возбудлив натпревар пред домашната публика, но на крајот беше поразена со 4:5 од Ридалмер Лајонс.
Алек Урошевски блескаше со два гола во 7. и 89. минута, додека Данило Миздрак (57’) и Баи Антониу (70’) исто така се запишаа во листата на стрелци за домашниот тим.
Гостите, и покрај тоа што играа со играч помалку од 22 минута, успеаја да ја забележат победата. За Ридалмер Лајонс голови постигнаа: Николиело (35’), Канингам (38’, 49’, 90’) и Тоска (68’).
Следниот натпревар за Сиднеј Македонија е веќе во сабота, на 14 февруари, против Хакоа Сиднеј со почеток во 18:00 часот.
