Екипата на Сиднеј Македонија ја запиша и втората победа по ред, откако на гостувањето кај Централ Кост Маринерс славеше убедливо со 4:1 и освои нови три бодови со кои се приближи до средината на табелата.
„Лавовите“ одлично го отворија натпреварот и уште во раната фаза ја презедоа контролата врз играта. Водството за Сиднеј Македонија го донесе Ј. Гроздановски во 5. минута, а само три минути подоцна П. Кекерис ја зголеми предноста на 2:0. Пред самиот крај на првото полувреме повторно на сцена стапи Гроздановски, кој во 45. минута го постигна својот втор гол на натпреварот и ја зголеми предноста на 3:0.
Во вториот дел домаќините успеаја да намалат во 50. минута преку К. Шумахер, но Сиднеј Македонија не дозволи неизвесност. Конечните 4:1 ги постави Гроздановски со својот трет гол на натпреварот во 87. минута, комплетирајќи хет-трик и одлична вечер за својот тим.
Со оваа победа Сиднеј Македонија има шест бода и се наоѓа на десеттото место.
Во следното коло, во сабота на 14 март со почеток во 18 часот, Сиднеј Македонија на домашен терен ќе ја пречека екипата на Вестерн Сити Ренџерс.
