Со Барса како клуб со најмногу проблеми, но со фараонски и спектакуларен преоден рок, шпанска Примера подготвува уште една сезона. Во беспарицата на Пиринеите, лигата ќе беше неверојатно сиромашна ако не беше преодниот рок на Каталонците. Лапорта најде начин да продаде дел од клупските добра за да доведе нови имиња и да ги регистрира за настап.
Реал повеќе продаваше отколку што купуваше, па се потпира на оживување на кариерата на Азар (Хазард) и „џокерот“ Чуамени. Сепак, шпанскиот првак е уигран, има ист костур и тренер и влегува како благ фаворит наспроти Барса, која верува во својот квалитет, системот на Чави и гладта за трофеј по тригодишен пост. Оние 0:4 од март годинава во Мадрид се добра најава за новата Барса.
Атлетико го загуби Суарез, но ги врати Саул и Мората. Новини се и Витсел и Молина, но впечаток е дека претпоследниот шампион нема да има радикално изменет лик оваа сезона. Валенсија и Атлетик Билбао почнуваат нов процес со тренери како Гатузо и Марселињо. Севиља повеќе продаде отколку што купи, па се надева дека ќе го разбуди талентот на Иско.
Македонија остана само со еден фудбалер оваа сезона во Примера. Барди се замина во Турција, откако Леванте испадна во Сегунда, па од нашата земја во Шпанија ќе настапува само Столе Димитриевски во дресот на Рајо Ваљекано.
РЕАЛ МАДРИД
Дојдоа:
Антонио Рудигер (Челзи), Аурелион Чуамени (Монако), Алваро Одриазола (Фиорентина).
Заминаа:
Лука Јовиќ (Фиорентина), Борха Мајорал (Хетафе), Иско (Севиља), Марсело, Тафекуша Кубо (Реал Сосиедад), Герет Бејл (Лос Анџелес Галакси).
БАРСЕЛОНА
Дојдоа:
Роберт Левандовски (Баерн Минхен), Рафиња (Лидс Јунајтед), Франк Кеси (Милан), Андрес Кристенсен (Челзи), Жул Кунде (Севиља).
Заминаа:
Филипе Кутињо (Барселона), Франциско Тринкао (Спортинг), Нето (Борнмут), Оскар Мингуеза (Селта Виго), Муса Ваге (Горица), Реј Манај (Вотфорд), Рику Пуч (Лос Анџелес Галакси), Дани Алвес (УНАМ Пумас), Адама Траоре (Вулверхемптон), Клеман Ленгле (Тотенхем), Лук де Јонг (ПСВ Ајндховен).
АТЛЕТИКО МАДРИД
Дојдоа:
Нахуел Молина (Удинезе), Алваро Мората (Јувентус). Саул Нигез (Челзи), Аксел Витсел (Борусија Дортмунд).
Заминаа:
Даниел Вас (Брондби), Луис Суарез (Национал), Шиме Врсаљко (Олимпијакос), Нехуен Перез (Удинезе), Хектор Херера (Хјустон), Самуел Лино (Валенсија).
СЕВИЉА
Дојдоа:
Маркао (Галатасарај), Иско (Реал Мадрид), Алекс Телес (Манчестер Јунајтед), Оскар Родригез (Хетафе).
Заминаа:
Лук де Јонг (ПСВ Ајндховен), Жул Кунде (Барселона), Диего Карлос (Астон Вила), Лудвиг Аугустинсен (Астон Вила), Антони Марсијал (Манчестер Јунајтед).
ВИЉАРЕАЛ
Дојдоа:
Кико Фемениа (Вотфорд), Хозе Луис Моралес (Леванте), Пепе Реина (Лацио).
Заминаа:
Мои Гомез (Осасуна), Серхио Асенхо (Ваљадолид), Марио Гашпар (Еибар), Хави Квинтиља (Санта Клара), Серж Орие.
ВАЛЕНСИЈА
Дојдоа:
Саму Кастиљехо (Милан), Самуел Лино (Атлетико Мадрид), Ману Ваљехо (Алавес).
Заминаа:
Гонзало Гуедеш (Вулверхемптон), Јаспер Силесен (НЕЦ Нијмеген), Георги Мамардашвили (Динамо Тбилиси), Хуго Дуро (Хетафе), Хелдер Коста (Лидс Јунајтед), Илаиш Мориба (РБ Лајпциг).
БЕТИС
Дојдоа:
Луис Енрике (Флуминензе), Луис Фелипе (Лацио), Лорен Морон (Еспањол).
Заминаа:
Жоел Роблес (Лидс Јунајтед), Диего Лаинес (Брага), Хектор Балерин (Арсенал), Вилиам Хосе (Реал Сосиедад), Кристијан Тељо.
РЕАЛ СОСИЕДАД
Дојдоа:
Браис Мендез (Селта Виго), Тафекуша (Кубо), Мохамед Али Чо (Анжер), Вилијам Хозе (Бетис).
Заминаа:
Метју Рајан (Копенхаген), Кевин Родригез (Адана Демирспор), Жозеба Залдуа (Кадиз).
