Минатиов четврток, МПЦ “Св. Петка” од Мил Парк прослави 20 годишен јубилеј. На прославата што ја организираше управата на оваа парохија беа поканети и градителите на стариот храм кој бил Пресбетеријанска црква “Janefield”.
Храмот кој е изграден од традиционален црн камен датира 156 години. Македонските парохијани ја одгледуваат добрата соработка со наследниците на оригиналните пионери и градители на црквата и на минатите јубилеи тие им беа гости. Покрај нив беше забележана и нашата Мери Лалиос, општинска советничка и три пати градоначалничка на општина Витлси.
Парохијата “Св. Петка” има постигнато значајни успеси во краток временски период и покрај целосното реновирање на црквата, фреските и убавиот олтар, изградена е и повеќенаменска административна зграда со трпезарија и свеќилница во подрумот.
Црквата е изградена во далечната 1861 и е заштитена со закон како историско наследство
Свештениците Тоне Гулев, Љупчо Каревски, Никодим Солунчев и Јовица Симоновски ја благословија вечерата
Софи и Анџело Патерас, о. Тоне Гулев, општинската советничка Мери Лалиос заедно со роднините на оригиналните градители на црквата “Св. Петка”
