Фолк дамата Анета Мицевска и групата “Молика” го имаа првиот концерт од турнејата низ Австралија. Во Волонгонг минатиот петок првиот настап беше распродаден до последно место и љубителите што имаа среќа да бидат на оваа вечер уживаа во новите македонски хитови на Анета Мицевска.
Новиот албум за 2016 практично за прв пат се промовира токму на оваа турнеја, што беше и желбата на Анета и музичката група “Молика”. Турнејата ќе трае еден месец и се опфатени сите градови во Австралија каде е позастапена нашата македонска заедница. Музичкиот директор Џими Мицевски изјави дека музичката група и Анета никогаш не биле поспремни како оваа турнеја што е специјална за новиот музички албум кој за првпат ќе биде исполнет во најубавата земја на светот – Австралија.
Стефан Горгиевски
