А-ЛИГА НА АВСТРАЛИЈА
Голманот на Бризбен, Џејми Јанг, направи неверојатна грешка во дуелот со Мелбурн Сити, но за негова среќа остана неказнет, кога се лизна и му избега топката, во мечот од фудбалската А-лига на Австралија.
На негова среќа ниту навалата на Сити не се покажа доволно умешна за да ја затресе мрежата. Натпреварот заврши 1-1, но лесно можеше гостинот да си замине со три бода благодарение на несмасноста на Џејми.
Први поведоа гостите од Мелбурн со голот на Французинот Хари Новило во 47. минута за 0-1. Бризбен врати дваесетина минути подоцна преку убавата акција која почна со Томас БроиЧ на средината од теренот и неговото прецизно додавање до Хенрике Силва кој извонредно се снајде за 1-1.
Талентираниот германски фудбалер Броич во многу наврати беше фаулиран на оваа средба од одбраната на Сити која едноставно не можеше на друг начин да се снајде со неговата виртуозност.
