Фокусирани сме на претстојните локални избори, па затоа уште сега ги повикуваме сите опозициски партии да се приклучат во опозицискиот блок што ќе го предводи ВМРО-ДПМНЕ, порача лидерот Христијан Мицкоски.
Премиерот Зоран Заев најави интензивирање на средбите со бугарските власти во насока на постигнување решение за спорот со Бугарија, пред јунскиот самит на Европската унија, за кој постои оптимизам дека ќе биде дадено зелено светло за одржување на првата Меѓувладина конференција.
Претседателите на Македонија и Бугарија, Стево Пендаровски и Румен Радев, на 26 и 27 мај заеднички ќе оддадат почит на делото на свети Кирил и Методиј во Рим, а премиерот Зоран Заев верува дека европскиот дух на тој гест ќе даде поттик за решение во спорот со Бугарија поради кој се блокирани пристапните преговори со Европската Унија.
Владата веќе има спремено реформи во даночниот систем за кои се започнати јавни расправи, за правичност и ефикаснот на даночниот систем во прибирање на приходите како и за зголемување на транспарентноста и квалитетот, изјави министерот за финансии Фатмир Бесими но не откри за кои даноци ќе има зголемување.
Претседателот на Хрватска, Зоран Милановиќ не попушти под притисоците на Софија по неговата остра критика за бугарската блокада на интеграцијата на Македонија во Европската унија.
Во издание на МАНУ и „Матица македонска” излегоа од печат романите коишто академик Божин Павловски ги создаде во татковината.
Нашата проценка е дека некаде до крајот на летото може да се постигне колективен имунитет имајќи ги предвид сите количини вакцини кои треба да пристигнат во нашата земја, изјави министерот за здравство Венко Филипче во неделното интервју на “Радио Слободна Европа”.
Македонскиот идентитет и македонскиот јазик постојат со векови, не од 1945 година, не од 1903 година, дури не од 1020 година. Во 2020 година прославивме 1.000 години опстојување на македонското древно светилиште Бигорскиот манастир „Свети Јован Крстител”.
Очекувајќи ги новите парламентарни избори на 11 јули бугарската техничка влада искажа конзистентност на позициите во однос на Македонија и отпочнувањето на пристапниот процес во ЕУ.
Грчките погранични служби на граничниот премин Евзони (кај Гевгелија) на 14 мај попладнето ги кренаа рампите за влез на странски државјани. Цели 14 месеци овој граничен премин (исто како и оние кај Дојран и Битола) беше затворен освен за лица со грчко живеалиште и за товарен сообраќај.
Две струи преовладуваат во Европската Унија последните неколку месеци – едната засилено работи на одвојување на Македонија и Албанија во пристапниот процес, а другата смета дека двете земји заеднички треба да го продолжат заедничкиот пат.
Власта заедно со Алтернатива и Алијанса за Албанците постигнал конечен договор за измените во Законот за државјанство. Закoнското решение ќе влезе во собраниска процедура оваа недела.
Македонија беше една од првите земји што воведе биометриски лични документи (лични карти, пасоши, возачки дозволи) и одбра технологија која уште од стартот се покажа дека е несоодветна.
Во понеделникот (вчера) се очекуваа во Македонија да стасаат 10.000 вакцини на „Фајзер” . Тие стигаат со авион до Софија и потоа со специјален транспорт (ладен ланец) во попладневните часови се доставуваат во Скопје.
Спорниот Закон за попис сепак останува истиот. По пет месеци пак ќе ги имаме истите проблеми.
На 2 април Македонија забележа нов црн рекорд во смртноста од коронавирусот – починаа 50 лица.
Од понеделникот (5 април) во спортската сала „Борис Трајковски” во Скопје започна масовната вакцинација во Македонија.
Минатиот викенд на граничниот премин Табановце чекањето за излез од Македонија било околу 40 минути.
