Башело – Надал падна на допинг во 2013 година

Шпанецот Рафаел Надал го осуди потегот на Марија Шарапова, која и официјално е под суспензија поради позитивен допинг-тест за време на Австралија опен 2016. Но, само ден подоцна од Париз пристигна шокантна вест на сметка на тенисерот од Мајорка.

„Рафаел Надал во 2013 година имаше ‘позната повреда’ и затоа не играше седум месеци. Но, ние знаеме дека, впрочем, беше позитивен на допинг-контрола”, изјави Розелин Башело, поранешна министерка за здравје и спорт на Франција.
Шокантната вест Башело ја откри во телевизиско интервју за станицата „Гранд 8″ и веднаш ја пренесе шпански „Ас”.
„Во тенискиот свет не се открива јавно кога некој е фатен за користење допинг, ниту, пак, колкава казна добил. Но, се’ се осознава кога играчот, изненадувачки, го нема на турнирите по неколку месеци”, дополни поранешната француска министерка.