Ноќниот живот во Будва, кој најчесто се идентификува со црногорскиот туристички врв, има своја – слатка страна.
Тоа го покажа големата полициска акција “Марина”, која беше долго подготвувана и извршена во ноќниот клуб “Сан Ремо”, на раскрсницата на патот од Будва кон Котор и Тиват. Под сомнение за организирање проституција беа уапсени макрото Раде Божовиќ (50), менаџерот Милош Влаховиќ (34) и нивниот соработник Марко Јовановиќ (28). Уапсени се и неколку девојки и еден клиент, пренесува СкопјеИнфо.
Кога полицијата ја спроведувала рацијата во “Сан Ремо”, клубот бил полн со гости. Во приземјето имало мала сцена на која девојка танцувала стриптиз. Било наредено сите да останат на своите места, а од осомничените биле одземени опрема за видео надзор, пиштоли за кои немало дозвола и 50.000 евра, пронајдени на местото на апсење, пишува Mkd-news.
Осомничениот Божовиќ е следен подолго време и констатирано е дека посредува во проституција при што девојките се изнајмувале од еден час до цела ноќ со цена од 200 до 500 евра за клиент, а за цела ноќ и поскапо, зависно од клиентот и неговите специфични потреби. Осомничениот Божовиќ за истото дело беше уапсен и претходно оваа година во акцијата “Клеопатра” во Подгорица, но за чудо беше веднаш ослободен.
Акциите против проституцијата сред туристичката сезона во Црна Гора не наидоа на поддршка во јавноста, каде повеќето сметаат дека со ваквите акции, во ова време, се вознемируваат туристите, а и онака поголем дел од проститутките, а и клиентите не се од Црна Гора па акцијата во најтуристичкиот период е на штета – на туристите, и потоа на нивните домаќини.
Во Црна Гора е активна, со години, елитната проституција во туристичката сезона кога гостите кои имаат пари, а и јахти, доаѓаат таму и бараат услуги од елитни проститутки кои немаат многу клиенти, и не се “потрошени”, а се избрираат од редот на студентки, фото модели и манекенки од регионот кои во секојдневниот живот не се занимаваат редовно со таа професија, туку за надомест од 1.000 евра па нагоре за еден ден одработуваат со клинетот, а откако ќе одработат 20-30 клиенти во текот на летото се враќаат назад. Во својот град, на својата редовна професија, како ништо да не се случило.
Овие девојки за повремен туристички секс доаѓаат од регионот, најмногу од Белград, но и од другите поголеми градови во Србија, како и од Босна и Македонија.
Според црногорската полиција, веќе со години меѓу најбараните се две девојки од Скопје и една од Битола, од кои едната доаѓа повремено во Црна Гора, на повик, како службено патување за сосема поинакви бизнис цели.
