Во Македонија има огромен инвестициски потенцијал за австралиските компании, истакнаа учесниците на Економскиот форум во Перт, што се одржа во организација на Македонско-западно австралиската стопанска комора.
Македонскиот амбасадор во Австралија Веле Трпевски и почесниот конзул во Перт Зоран Ќосески пред бројни потенцијални инвеститори од деловниот сектор ги презентираа можностите за водење бизнис и потенцијалите за инвестиции во Македонија, со фокус на секторите ИТ, рударство, земјоделство и производство.
Претседателот на Македонско-западно австралиската стопанска комора Крис Вржовски ги повика австралиските компании да ја посетат Македонија како атрактивна бизнис дестинација.
Амбасадорот Трпевски и конзулот Ќосески истакнаа дека во изминатите години се бележи позитивен тренд во рударскиот сектор во Македонија како и севкупните трговско деловни односи помеѓу двете земји.
