За секој клуб е важно да се негува подмладок кој служи како расадник за таленти што имаат прогрес низ младинските тимови до првиот. Во Престон Македонија најубаво се гледа дека инвестицијата и развивањето на млади фудбалери е важна за иднината и успехот на клубот.
Во годинашната екипа на Лавовите има шест фудбалери кои се производ на младинската школа на Престон. Започнувајќи од капитенот Тони Стерјовски (38), Роберт Најдовски (27), Бале Мицовски (26), Александар Петровски (24), Климент Димитриески (24) и најмладиот Џејмс Дафовски (21) сите се производ на школување од јуниорските тимови.
Иднината на Престон Македонија е во силната јуниорска база која ја сочинуваат 20 тимови и околу 300 млади фудбалери од 7 до 18 годишна возраст, вклучувајќи и два женски јуниорски тима, вели претседателот на клубот Зак Груевски.
