Edno poshtensko sandache vo Ratingen, Germanija, e edinstveniot dokaz deka blizu zheleznichkata pruga se naogja kompanijata Electro-Mechatronic Systems (GES), firma koja premierot Nikola Gruevski kon sredinata na dekemvri ja najavi kako golema germanska investicija od 15 milioni evra za proizvodstvo na „solarni paneli i led-svetilki so vrvna germanska tehnologija”
BIRN (Proekt za istrazhuvachko novinarstvo i sorabotka pomegju mediumite i gragjanskiot sektor) istrazhuval koj se krie zad ovaa kompanija chij pretstavnik, Ahmed Elshaer, koga go potpishuvashe dogovorot vo Makedonija so premierot Nikola Gruevski, ministerot za privlekuvanje stranski investicii, Bil Pavlevski, i vicepremierot Vladimir Peshevski, reche deka „deka nivnata namera e da ja napravat Makedonija lider vo pogled na odrzhlivata energija”.
Istrazhuvajkji zaedno so germanski novinari koi bea vo sedishteto na kompanijata blizu Dizeldorf, naidovme na podatoci deka stanuva zbor za takanarechena „leterboks kompanija”, bidejkji na mestoto shto e navedeno kako sedishte, nema nishto drugo, osven poshtensko sandache so imeto na GMS.
Zad germanskata kompanija Electro-Mechatronic Systems (GES), spored podatocite od germanskiot registar na kompanii, stojat dve lica od Kairo, Egipet. Stanuva zbor za Amir Sami Mikhail i Ahmed Abdalla Mohamed Elshaer, koi kompanijata ja formirale so osnovachki vlog od 25 iljadi evra.
Ako se pogledne veb-stranicata na GES, mozhe da se prochita deka nivnoto pretstavnishtvo e vo Dizeldorf, Germanija, no nema nikakvi podatoci za osnovachite na kompanijata, nitu adresa nitu pak, kontakt telefon.
Kako prodazhna kancelarija na oficijalnata veb-stranicata e navedena edinstveno Makedonija, a kako kontakt ima samo makedonski broj od mobilen telefon.
Na mapata za toa kade sè imaat investirano, spored veb-stranicata na GES, ima tri lokacii – Makedonija, Egipet i Kina.
BIRN ne uspea da najde investicii na GES vo drzhavite koi im se navedeni na nivnata veb– stranica, osven najavenata investicija vo Makedonija.
„Ova e ochigledno lazhna veb-stranica, bidejkji germanskiot sistem ne ja registrira. Osven toa, spored germanskite zakoni, veb-stranicite na kompaniite mora da gi sodrzhat site podatoci za stranicata, za serverot i za nadlezhnite lica. So toa shto ovaa firma nema nikakvi podatoci kako shto e nalozheno, praktichno se krshat germanskite zakoni”, ni izjavi programer od Berlin, kogo shto go zamolivme da ni pomogne da locirame kade e registrirana veb-stranicata na GES.
Spored „Money house”, veb-stranica za prebaruvanje kompanii od svetot, naidovme na podatokot deka sedishteto na GES se naogja na ulicata Sand 18 vo Ratingen, Germanija. Ako se prebara ovaa lokacija na Gugl, lesno mozhe da se vidi deka stanuva zbor za mal objekt vo blizina na rampa od zheleznichka pruga.
Istoto ova mozhe da se zabelezhi i koga kje se otide na lice mesto.
Kolegite-novinari od Germanija, koga otidoa na samoto mesto, registriraa deka tuka se naogja magacin na druga kompanija, ICE (Industrial Exponent Exports), a edinstvenata traga od GES e poshtenskoto sandache.
„Nema nikakvo logo od kompanijata, nitu pak, vlez. Na mestoto ima samo magacin od druga kompanija, ICE (Industrial Components Export), koja se zanimava so trgovija i izvoz na proizvodi za ladenje i klimatizacija”, ni rekoa germanskite novinari.
Na sedishteto od ICE, kako lice za kontakt e napishan Amir Sami Mikhail, eden od sopstvenicite na GES koj vo formiranjeto na firmata uchestvuval so vlog od 3.750 evra. Elshaer, pak, pretstavnikot od GES koj beshe vo Makedonija, vlozhil 21.250 evra, shto znachi deka firmata koja planira da investira 15 milioni evra od Makedonija e formirana so vlog od 25 iljadi evra.
Uspeavme da stapime vo kontakt so Mikhail i da go prashame za najavenata investicija vo Skopje. Toj zvucheshe raspolozhen za razgovor.
„Sekako, kje vi objasnam sè shto sakate da znaete. Samo javete mi se vo tekot na narednite denovi, bidejkji vo momentov patuvam od Egipet za Germanija”, ni reche toj.
Vo narednite denovi, Mikhail ne odgovarashe na nashite telefonski povici.
GES – sestrinska kompanija na egipetska firma za nedvizhnosti
Spored podatocite od makedonskiot centralen register, German Elektro Mehantroniks DOO vo Makedonija bila formirana na 16 septemvri 2014 godina, a premierot Nikola Gruevski ja najavi investicijata edna godina podocna, vo dekemvri 2015 godina.
Zad kompanijata shto e registrirana vo Makedonija, stojat dve lica od Kairo, Egipet. Stanuva zbor za Ajman Mohamed Mohamed Mostafa i Ahmed Abdalla Mohamed Elshaer, chovekot shto beshe vo Makedonija za da go potpishe dogovorot.
Sedishteto na kompanijata se naogja vo strogiot centar na Skopje, sproti Italijanskata ambasada. Stanuva zbor za prostorii koi se novi i beshe ochigledno deka vo tek e vseluvanje vo prostoriite. Koga zadzvonivme na vratata, ne ni otvori nikoj.
Vo nekolku navrati se obidovme telefonski da stapime vo kontakt so nadlezhnite od GES vo Makedonija. Nè upatija kaj Liljana Andonov, nadlezhna za finansiskiot del, koja reche deka kje odgovori na nashite prashanja vednash shtom kje se vrati direktorot na rabota.
Sakavme da znaeme kakvo e iskustvoto na sopstvenicite na GES vo oblasta na proizvodstvo na solarni paneli i led svetilki? Zoshto kompanijata reshila da investira tokmu vo Makedonija i kako stapila vo kontakt so makedonskite nadlezhni institucii? Kade GES ima investirano dosega? Kade se naogja nivnoto pretstavnishtvo vo Kina i dali sè ushte funkcionira proizvodstvoto tamu?
Prashanja postavivme i do kabinetot na ministerot za privlekuvanje stranski investicii, Bil Pavlevski. Vo ist den, so razlika od nekolku chasa, od kompanijata GES vo Makedonija i od kabinetot na Pavlevski ni stigna identichen odgovor. Edinstvenata razlika beshe shto odgovorot od GES beshe na angliski jazik, a od kabinetot na Pavlevski na makedonski.
Ottamu nè izvestija deka GES, vsushnost, bila sestrinska kompanija na firmata „Beverli Hils Holding”.
„GES dojde vo Makedonija kako rezultat na kontakt ostvaren so ambasadorot na Republika Makedonija vo Egipet i taa ima namera da ja realizira investicijata za koja e obvrzana vo odreden period i da vraboti kvalifikuvan kadar soglasno potpishaniot dogovor. Beverli Hils Holding e edna od vodechkite kompanii na Sreden Istok i Afrika so raznovidni biznisi. Grupacijata raboti na razvoj na proekti za nedvizhnosti, komunikaciski mrezhi, sklopuvanje solarni sistemi i LED preku 12 kompanii i e zastapena so proekti vo Obedinetite Arapski Emirati, Egipet, Chad, Sudan i Saudiska Arabija”, se veli vo odgovorot od kabinetot na Pavlevski.
Spored niv, GES e edna od sestrite-kompanii na Beverli Hils, koja garantira za biznis aktivnostite na GES i investicijata vo Makedonija.
Na veb-stranicata na Beverli Hils Holding, pak, se veli deka stanuva zbor za brzorastechka kompanija za nedvizhnosti, razvoj i investicii osnovana vo 2006 godina od strana na Ahmed Alshaer, no nikade ne se spomnuva sestrinskata kompanija GES.
Neizvesno ostanuva zoshto ovaa investicija vo Makedonija beshe najavena kako germanska, so ogled na toa shto osven formalnata registracija i poshtenskoto sandache, novata investicija nema dopirna tochka so ovaa drzhava.
Ova prashanje go postavivme i do ministerot Pavlevski, no ne dobivme odgovor.
(„Prizma”)
GRUEVSKI NAJAVI 200 NOVI VRABOTUVANJA SO NOVATA INVESTICIJA
Na potpishuvanjeto na dogovorot so GES, beshe kazhano deka kompanijata kje investira 15 milioni evra vo izgradba na proizvodstven pogon i administrativna zgrada koi kje se protegaat na povrshina od 15.000 metri kvadratni vo „Bunardzik”.
Kje se proizveduvaat solarni paneli i led-svetilki so vrvna germanska tehnologija koja kompanijata sega ja primenuva vo nivniot proizvodstven pogon vo Jugoistochna Kina.
Planirano e izgradbata na fabrikata da zapochne kon krajot na fevruari ili najdocna na pochetokot na mart i da bide gotova za shest do osum meseci, a proizvodstvoto treba da zapochne pri krajot na godinava. Premierot Gruevski najavi deka so novata investicija kje ima vrabotuvanja za 200 lica.
Ministerot za privlekuvanje stranski investicii Bil Pavlevski izjavi deka „novata investicija e znachajna, bidejkji so nea kje se namali nevrabotenosta, kje se zgolemi izvozot, a kje se vovede vrvna germanska tehnologija vo proizvodstvoto na led sijalici”.
