Во јануари пишувавме за младата Хелена Ристевски која на Мис Дајмонд Австралија 2019 го претставуваше НЈВ во финалето што се одржа на 13 април во Емпориум хотел во Бризбен. Дванаесетгодишната Хелена со задоволство можеме да објавиме беше избрана за Мис Дајмонд џуниор, таа беше ставена една возрасна група погоре бидејќи другите девојчина од нејзина возраст беа малечки.
Нејзината силна страна е елоквентниот говор и досега се има закитено со следниве титули: Miss Elegance 2019, Miss Diamonds Charity Queen, Miss Photogenic, Miss Diamonds Publicity Queen, Miss Diamonds Charity fundraiser 2019 и Miss Runway Queen.
Убавата Хелена Ристевски освои толку многу титули дента што беше покриена со трофејни ленти.
Таа успеа да собере скоро $2,000 за World Vision и за Kookaburra kids foundation.
Инаку манифестацијата Miss Diamonds pageant собра вкупно преку $60,000 од учесниците за хуманитарни цели.
Хелена оди по стапките на нејзината мајка Елизабет Тричковска – Ристевски, која се има натпреварувано за Мис Австралија во 1996 година, и тогаш таа беше регионален финалист.
