Австралиски научници откриле нов тип на звучни бранови кои ќе можат да се користат, меѓу другото, за изработка на инхалирачки вакцини.
Овие бранови познати како „surface reflected bulk waves” се комбинација од звучни бранови кои предизвикуваат вибрирање на цел објект ( како кога, на пример, двајца држат тепих за секој од краевите и мрдаат со што целиот вибрира и ја менува формата) , и онакви кои предизвикуваат вибрирање само на површината, како на пример океанските бранови.
Со помош на овие нови бранови, одредена течност може да се „скрши” во честички кои може да се вдишуваат (како спреј/испарување), преку специјален уред наречен Respite Nebulizer. На овој начин, разни лекови ќе можат да се внесуваат во организмот без потреба од инекции или пиење на апчиња, а почетокот на нивното делување ќе се скрати од (вообичаено) половина час на 30-тина секунди. На пример, дијабетичарите наместо да се боцкаат, на овој начин можат да го внесуваат инсулинот, а истиот би можел да се искористи и за безболно давање на вакцини на новороденчиња и мали деца.
