Ирачката Влада ќе ги поздрави руските воздушни напади против џихадистичката група Исламска држава (ИД) на ирачка територија, изјави ирачкиот премиер Хајдер ал Абади.
На новинарско прашање дали со Русија е разговарано за воздушни напади против ИД во Ирак, тој одговорил дека такви разговори уште не биле водени.
– Постои таква можност. Ако добијам таков предлог ќе го разгледаме и јас ќе го поздравам, истакна ирачкиот премиер.
Претходно на прес-конференција во ОН, рускиот министер за надворешни работи Сергеј Лавров нагласи дека официјална Москва не планира да изврши воздушни напади и во Ирак.
