Makedonskata publika kje gi vidi teatarskite spektakli vo rezhija na Popovski, koi predizvikaa ogromen interes kaj ruskata, no i kaj evropskata publika.
Eden od najrenomiranite moskovski teatri – „Masterskaja P. Fomenko” – od 16 do 23 septemvri, na scenata na MNT, kje go prikazhe festivalot na pretstavi od rezhiserot Ivan Popovski – „Ivan se vrakja doma”. Ova kje bide prva mozhnost i makedonskata publika da gi vidi teatarskite spektakli vo rezhija na Popovski, koi predizvikaa ogromen interes kaj ruskata, no i kaj evropskata publika: „Son na letnata nokj” od Vilijam Shekspir (2015), „Alisa zad ogledaloto” od Luis Kerol (2010) i „Otrovnata tunika” od Nikolaj Gumiljov (2002).
„Ivan se vrakja doma” e prv domashen festival na pretstavi od makedonskiot teatarski rezhiser Ivan Popovski, koj povekje od 25 godini zhivee i raboti vo ruskata prestolnina Moskva.
Pretstavite shto kje bidat prikazhani na festivalot se od golem format, so visokobudzetni produkcii, vo koi uchestvuva elitna teatarska ekipa, i koi ja odushevija kritikata, osvoija mnogu znachajni teatarski nagradi i priznanija i imaa iskluchitelen priem kaj publikata. Za niv postojano se bara bilet povekje, iako nekoi se na repertoarot i po mnogu godini.
Dodeluvanjeto na prestizhnata nagrada „Zlatna maska” za najdobra pretstava vo Rusija vo 2015 godina na „Son na letnata nokj”, beshe na nekoj nachin oficijaliziranje na reakciite na pechatot i publikata shto ѝ prethodea na nagradata. Pechatot ednoglasno ja proglasi pretstavata za izvonreden teatarski nastan – „…vo vreme koga se chini deka vekje nishto ne predviduva radosna teatarska igra, na publikata ѝ se sluchi ‘Son na letnata nokj’ proizveduvajkji efekt na kislorodna terapija za onie shto se zadushuvaat… “, i ja opisha kako „definitivno iskluchitelna pretstava i, najverojatno, presvrtnica shto kje vnese nova nadezh vo skrienite resursi na teatralnosta, kako kaj Masterskaja na Pjotr Fomenko, taka i kaj teatarskiot sistem vo celina”.
„Alisa zad ogledaloto” e prvata pretstava za deca i vozrasni na „Masterskaja P. Fomenko” i prvata pretstava od vakov vid na Popovski. I ovaa pretstava ja odushevi kritikata, koja zakluchi deka „…Popovski go poslushal sovetot na pisatelot da ne gi objasnuva negovite izmislici, a si postavil za cel da gi ozhivee na scenata… poubava i poinventivna pretstava ne mozhe da se iznajde niz cela Moskva…”. Pretstavata ja odushevi i specifichnata publika za koja Popovski po prv pat rezhirashe, a kritikata ushte napisha: „da se zabavuva segashnoto, vo sekoj pogled razgaleno dete so teatarski sredstva, taka shto negovite ochi da svetat od voodushevuvanje celi tri chasa – of, toa ne e lesna rabota!”. „Alisa zad ogledaloto” ja dobi nagradata Zlaten vitez za najdobra pretstava za deca.
„Otrovnata tunika” e volshebna, i voedno egzotichna postanovka na tragedijata na Gumiljov. Taa se igra na repertoarot na „Masterskaja P. Fomenko” vekje 15 godini predizvikuvajkji nesmalen interes kaj publikata, poradi shto biletite za pretstavata se prodavaat spored lista na chekanje. „Nikogash dosega ne se chinelo vozmozhno na takov nachin da se pretstavi toa tragichno spokojstvo, polno so romantichni mechtaenja, koe ja sochinuva sushtinata na poezijata na Gumiljov. Popovski navistina go znae kluchot za nescenichnite, no najprekrasni teatarski tekstovi na ruskata moderna”, napisha pechatot za pretstavata, ocenuvajkji ja i kako „preskapa, no bezumno ubava”.
So pretstavite vo Skopje kje pristigne mnogubrojna akterska i tehnichka ekipa, a kuriozitet pretstavuva i toa shto scenografijata, kostimite i tehnichkata oprema pristignuvaat so 4 ogromni kamioni.
Ivan Popovski diplomirashe vo klasata na poznatiot teatarski rezhiser Pjotr Fomenko, na Ruskata akademija za teatarska umetnost (GITIS) vo Moskva. Popovski e eden od osnovachite na teatarot „Masterskaja P. Fomenko”, a ima rezhirano i povekje proekti vo „Teatarot za muzika i poezija na Elena Kamburova” vo Moskva. Negovite teatarski pretstavi, kako i operi, se igrani niz celiot svet, megju drugoto i vo SAD, Francija, Brazil, Italija, Belgija, Srbija, Hrvatska, Slovenija, Polska, Germanija, Litvanija, Shvedska, Avstrija, Egipet, Turcija, a negovi pretstavi se postavuvani vo Rusija, SAD, Francija, Hrvatska, Slovenija, Makedonija, vkluchuvajkji gi i scenite na nekoi od najrenomiranite evropski teatri kako „Boljshoj” vo Moskva i „Odeon” vo Pariz.
Pokraj prestizhnata nagrada za najdobra pretstava na godinata od moskovskata kritika za negovata prva, studentska pretstava „Avantura”, koja vleze i vo elektronskata enciklopedija „Najvazhnite teatarski nastani vo Rusija vo poslednite 50 godini”, Ivan Popovski e dobitnik i na mnoshtvo drugi znachajni teatarski nagradi, vkluchuvajkji: gran pri na festivalot BITEF, Nagradata za literatura i umetnost na Gradot Moskva, koja ja dobi zaedno so artistite od „Teatarot za muzika i poezija na Elena Kamburova”, Kristalniot Turandot i nacionalnata nagrada Muzichkoto srce na teatarot za pretstavata „Chetiri godishni vreminja” itn. Vo 2009 godina toj go dobi i Pushkinoviot orden za posebni zaslugi vo promocijata na ruskiot jazik i umetnost, dodelen od togashniot pretsedatel na Ruskata Federacija, Dmitrij Medvedev.
Teatarot „Masterskaja P. Fomenko” e formiran vo 1993 godina i deneska e eden od omilenite teatri na moskovskata publika, „eden od najpopularnite teatri shto publikata neverojatno gi saka”. Pretstavite vo produkcija na teatarot vo mnogu navrati osvojuvaa prestizhni teatarski nagradi vo Rusija, megju koi, pokraj Zlatnata maska, i nagradite:”Stanislavski”, “Kristalniot Turandot”, “Chaika”, “Hit na sezonata”, “Zlaten vitez” i drugi, kako i niza nagradi i priznanija na mnogubrojni megjunarodni festivali. Detalni informacii za teatarot „Masterskaja P. Fomenko” se dostapni na fomenko.theatre.ru.
