Mladata makedonska flejtistka Lina Andonovska, koja zhivee vo Avstralija, chekori na svetskite muzichki sceni
Lina Andonovska se smeta za edna od najtalentiranite flejtistki od pomladata generacija muzichari. Ima makedonsko poteklo, a rodena e i zhivee vo Avstralija. Iako mlada, Andonovska vekje zad sebe ima brojni recitali, kamerni nastapi i solistichki nastapi so simfoniski orkestri ne samo niz Avstralija, tuku i vo evropskite zemji. Vo momentov, koncertira so Simfoniskiot orkestar na Kanbera i Avstraliskiot mladinski orkestar, a po potreba, veli, chesto e del i od Simfoniskiot orkestar na Tasmanija, kako i od orkestarot na Avstraliskata opera i balet.
Minatiot mesec taa kako ambasador beshe edno od licata na Melburnskiot Festival 2013.
Kako shto i samata veli, strasta kon muzikata ja nasledila od majka si, poznatata makedonska pejachka na popularni melodii od 70-te, Lena Trajkovska. Muzichkoto obrazovanie Lina go zavrshuva vo Avstralija, na Nacionalniot univerzitet, a za vreme na studiite, dobitnik e na nekolku stipendii kako najtalentiran muzichar. Minatata godina dobi ushte dve stipendii od organizacijata „ArtsACT” i „Karmel Honours Scholarship”, od samiot fakultet. Ushte edna potvrda za nejziniot talent se i natprevarite za klasichna muzika, kade shto, na Avstraliskiot nacionalen natprevar za flejta i Avstraliskiot nacionalen natprevar za pikolo vo Sidnej vleze vo finalniot krug, dodeka na Muzichkiot natprevar vo Nov Zeland, vo polufinalniot krug. Nejzinite planovi se da magistrira vo Melburn, ili vo Shvajcarija.
Lina Andonovska se orientira kon izvedba na dela od moderni avtori, iako, kako shto veli, bliska i e muzikata i od epohata na barokot. „Sakam i kamerna muzika, no gi izdvojuvam avtorite kako Sergej Prokofjev, Arvo Pert, Toru Takemitsu, Igor Stravinski, Antoni Dvorzhak i sekako Bah. Ja sledam i popularnata muzika, ne samo klasichnata, zashto sakam da bidam informirana za se shto se sluchuva vo svetot na muzikata”. Dosega, veli Andonovska, nemala mozhnost da nastapi vo Makedonija, no deka toa i e ogromna zhelba koja se nadeva naskoro kje i se ispolni. Ja potvrduva tezata deka muzikata e univerzalna, sfakjajkji ja kako edinstven jazik koj se razbira sekade vo svetot. Za momentnata situacija vo kontekst na razvojot na klasichnata muzika vo Avstralija, Andonovska smeta deka muzicharite tuka se otvoreni za sekakvi idei. „I toa povekje od Evropa i od Amerika”, veli. „Sepak, smetam deka klasichnata muzika vo Avstralija ne e tolku prifatena od poshirokiot krug ljubiteli na muzikata kako shto e vo Evropa. Na Evropjanite klasichnata muzika im e sekojdnevie, taa e seriozen segment od nivnata kultura. Vo Avstralija povekje pari se vlozhuvaat vo sportot, pa i narodot povekje saka da sledi sport, otkolku da posetuva koncerti”, veli Lina.
