Белорускиот претседател Александар Лукашенко ја предупреди Русија дека би можела да го изгуби својот сојузник доколку не понуди компензација за зголемените цени на нафтата.
Москва и Минск се во енергетски спор коj ги расипа блиските односи на двата соседи и сојузници.
Лукашенко наведе дека руското одбивање на компензација би можело да доведе до „губење на единствениот сојузник на Запад”, пренесе Еј-би-си њуз.
Белорускиот лидер, кој со својата земја владее речиси 25 години, се потпираше на заеми и евтина енергија од Русија.
Белорусија извезуваше евтини производи благодарение на евтината руска нафта, а Минск поради одлуката на Москва да ја зголеми цената на суровата нафта би можел да изгуби милијарди долари приход.
Лукашенко на службениците им нареди да најдат алтернативни извори на приход.
