Годинешните „Мајски оперски вечери” вклучуваат 15 настани – 10 за возрасна публика, а пет во придружната програма „Мали мајски оперски вечери”.
Публиката, покрај „Евгениј Онегин”, ќе има можност да ги чуе и оперите „Риголето”, „Хофманови приказни”, „Турандот” и Вердиевата „Аида” со која традиционално на 31 мај се затвораат „Мајските оперски вечери” …
Во Македонската опера и балет свечено бече отворено 44. издание на “Мајските оперски вечери”, кои годинава започнаа со премиерата на операта „Евгениј Онегин” од Петар Илич Чајковски.
– Годинава имаме навистина одлична и богата програма која вбројува плејада на одлични изведби на гостите од Италија, Мексико, Косово, Бугарија, Полска, Австрија, Уругвај, Чешка, Украина, Казахстан, Јапонија, кои со своите ансамбли на сцената во МОБ ќе изведат дел од најпознатите оперски дела – посочи при свеченото отворање на фестивалот Елизабета Канчевска-Милеска, министерката за култура.
Годинешните „Мајски оперски вечери” вклучуваат 15 настани – 10 за возрасна публика, а пет во придружната програма „Мали мајски оперски вечери”. Публиката, покрај „Евгениј Онегин”, ќе има можност да ги чуе и оперите „Риголето”, „Хофманови приказни”, „Турандот” и Вердиевата „Аида” со која традиционално на 31 мај се затвораат „Мајските оперски вечери”.
На програмата се и две балетски претстави: „Лебедово езеро” и современиот балет „Заспаните убавици”. Освен оперските и балетските претстави, на програмата се и два концерта – на хорот од Белград „Вива вокс” и гала-концерт под диригентство на Мориц Гнан од Германија, со солисти од Хрватска, Русија и САД.
„Малите мајски оперски вечери”, наменети за најмладите, ќе се одржат од 15 до 29 мај, со пет претстави: премиера на операта за деца „Црвенкапа”, детските балети „Доктор Офболи” и „Петар Пан” и концертите на детскиот хор „Отрада” од Русија и на детскиот хор на МОБ „Фалсето”.
