Ковидот ги сопре фудбалерите, кошаркарите, ракометарите да не може да играат, но тие барем можеа да тренираат индивидуално, а пливачите останаа само со тренинг на суво кој не им врши работа.
Но Ева Барамчевска најде начин како да и пркоси на вонредната ситуација, па се до отворањето на базените 100 дена пливала во двор во место и тоа не престанала и на дожд, ветер, па дури и кога паѓало снег. – Нема поголем проблем за пливач од тоа да му го затвориш базенот, а тоа за жал кај нас се случи уште во март кога бувна ова чудово. Пливачите останаа и без тренинзи и без натпреварувања, а тоа значи пад на формата и кондицијата, а истовремено скок во килажа. Ова е искрено претешко, бидејќи си во неприродна средина и поради ластикот се соочуваш со напор, кој двојно го зголемува отпорот, раскажува нејзиниот тренер Александар Маленко.
