Дознаваме дека грчката заедница од Мелбурн е крената на нозе околу плакатите за “Македонскиот културен фестивал” во Вилијамстаун што ќе се одржи во недела, на 27 ноември.
Започната е петиција со протест затоа што се користел нелегално симболот на “сонцето од Кутлеш” на кој Грците имале регистрирани права… Во петицијата наведуваат дека користењето на историски “грчкиот симбол” за рекламирање на настанот е очигледно обид да се провоцира.
Потоа наведуваат дека истиот ден и Грците имале фестивал на Federation Square во Мелбурн и сметаат дека ова не било коинциденција.
Се очекува оваа седмица Грците да ја достават петицијата до општината Хобсон Беј и до парламентарецот Робин Скот, кој е министер за мултикултура во владата на Даниел Ендрус. Мала е веројатноста дека оттаму ќе реагираат во прилог на грчката заедница.
