Република Вануату поднесува тужба против светските нафтени џинови, кои смета дека се одгвоорни за климатските промени.
Оваа малечка островска земја во Пацификот со 260 000 жители секоја година се соочува со невреме кое ја чини милиони долари. Затоа, министерот за надворешни работи Ралф Реганвану на конференцијата на која учествуваат претставници од земјите погодени од пореметувањата на климата, најави тужби против земјите, производители на нафта. Тој смета дека за милионските штети се одговорни токму големите нафтени компании и моќните држави.
Оваа државичка, која се протега на 82 острови во Пацификот, од кои повеќето се само на еден метар над висината на морето, може набргу да исчезне доколку морското ниво продолжи да расте како резултат на глобалното затоплување.
Островите многу често се на удар и на невреме. Така во 2015, во бура биле уништени половина од островите. Штетата била проценета на 450 милиони долари, што е 64,1 процент од националниот БДП.
За првпат во последните 20 години населението во Пекинг е намалено
Населението во главниот град на Кина во 2017 година се намалило за првпат по две децении, покажуваат официјални податоци што ги објави кинеската агенција Ксинхуа.
Во 2017 година, бројот на постојани жители на Пекинг изнесувал 21.707 милиони, што е за 22.000 помалку отколку во 2016 година, соопштија локалните власти.
Според истиот извештај, бројот на постојани жители во шесте урбани средини во градот продолжува да опаѓа. Во 2016 и 2017 година, во Пекинг е регистриран вкупен пад од 740.000 постојани жители во шест окрузи, што претставува намалување за три отсто две години по ред.
И покрај тоа што големите градови како Пекинг и Шангај си поставија за цел контрола на растот на населението, Кина генерално се обидува да преземе акција за зголемување на наталитетот, кој се намалил во 2017 година и годинава се очекува да продолжи да паѓа.
Во Кина во моментов има 240 милиони стари лица, но се очекува до 2035 година нивниот број да достигне 400 милиони, што ќе го загрози здравствениот и пензискиот систем во земјата.
