Македонскиот фудбалски прволигаш Македонија Ѓорче Петров во своите редови донесе нов фудбалер, кој допрва ќе треба да се докажува.
Се работи за младиот 19-годишен Марк Ризоски од Австралија.
Фудбалерот е роден во 1997 година, а во Македонија доаѓа од екипата на Сиднеј Јунајтед 58.
Ризоски поседува двојно државјанство, македонско и австралиско, а настапува на позицијата играч за врска. Засега, тој е на проба, но од клубот велат дека ќе направат се за да го задржат во својот тим во пролетниот дел од сезоната.
Пред Ризоски, Македонија ЃП го договори и Фетаи, кој минатата сезона ја мина во Влазерими.
