Мировниците на НАТО, КФОР, се упатија кон мостот што ги поврзува двете половини на поделениот град Митровица додека пратениците се подготвуваа да го одобрат создавањето своја сопствена армија.
Улиците зад вооружените возила на мировниците, на јужната, албанска страна на градот, беа преполни со жици со закачени американски знамиња – САД се единствениот главен меѓународен играч што ја поддржа идејата за косовска армија.
Како одговор, Србите на северот закачија десетици српски знамиња на прозорците на своите станови. На фотографиите на социјалните и на српските медиуми се гледаат неколку згради обвиени со знамиња, развеани на голем бројни прозорци, балкони и излози на продавници.
Иако реакцијата на Србите се чинеше мотивирана од народот, особено во контраст со уредно наредените американски знамиња на другиот крај на мостот, косовските медиуми цитираа неименуван официјален претставник што тврдел дека знамињата биле шверцувани од Србија и дистрибуирани од криминална банда.
