Со доаѓањето на Игор Георгиевски како претседател на Алтона Меџик Вардар, многу работи во клубот тргнаа на добро. Покрај првиот тим се формираа уште неколку други, повеќе младински екипи, како и женска екипа.
Првата екипа, веќе се знае, има квалитет и постигнува одлични резултати. Лани беше шампион во Првата лига на Викторија, годинава исто така атакува со поголеми амбиции, да влезе во Премиер лигата на Викторија. За таа цел и тимот е осетно засилен со квалитетни играчи.
Младите исто така постигнуваат одлични резултати, на пример тимот до 15 години кој со голем успех го води младиот тренер Славче Соколовски. Лани и тие беа шампиони во нивната лига, а во подготвителниов период тимот сите контролни дуели убедливо ги доби. Последниот беше со Академијата на Мелбурн Виктори која беше совладана дури со 6:1.
Се работи за талентирана генерација. Се надевам дека повеќето од нив ќе станат и првотимци наскоро, рече тренерот Славче Соколовски.
За овој тим играат: Димовски, Ел Кантар Салах, Елауби, Дамчевски, Стојчевски, Несторовски, Абдулабиф, Мирчевски, Елбели, Мелесе, Вунг, Алтаба, Гоулд, Мункадар, Раденковиќ иТунгевски.
Трајче Бошковски
