Tolpa narod nasilno vleze vo Sobranieto i tepashe pratenici. Udiranjeto traeshe pomalku od edna minuta, no tenziite podolgo – sè dodeka specijalcite so chadni bombi ne ja rasteraa tolpata.
Parlamentarnoto mnozinstvo so 61 glas neshto pred 19 chasot go izbra Talat Dzaferi za pretsedatel na Sobranieto. Ova se sluchi dodeka pred zgradata na makedonskiot parlament traeshe protestot na gragjanskata inicijativa “Za zaednichka Makedonija”. Shtom ja dobija vesta, del od tolpata protestanti nasilno upadna vo Sobranieto i nastana haos.
Eve kako techea nastanite.
Pretsedavachot na Sobranieto, Trajko Veljanoski, ja prekina sednicata okolu 18 chasot, no pratenicite na SDSM, DUI, Alijansa za Albancite i DPA ne ja napushtija salata.
Pratenicite na VMRO-DPMNE ochigledno ja znaeja namerata, pa se rasporedija okolu govornicata i ja chuvaa pretsedatelskata fotelja. Pratenicite od novoto parlamentarno mnozinstvo pomegju sobraniskite ja prodolzhi sednicata so brzo preminuvanje od tretata na chetvrtata tochka od dnevniot red na konstitutivnata sednica – izbor na nov pretsedatel. Ova prodolzhenie na sednicata go zapochna Ferid Muhikj, kako vtor najstar pratenik (otkako Branko Manojlovski od DUI se otkazha). Vednash potoa i Muhikj pretsedavanjeto mu go prepushti na Goran Misovski. Toj go prochita chlenot 78 od Delovnikot za rabota na Sobranieto: “Vo tekot na sednicata, po predlog na pretsedatelot na Sobranieto, na predlagachot ili pratenik koj go poddrzhuvaat najmalku deset pratenici, Sobranieto bez pretres odluchuva po sekoj predlog za izmeni vo redosledot na pretresot po tochkite od dnevniot red.” Objavi deka ima predlog poddrzhan od dvaeset pratenika za preminuvanje na chetvrtata tochka, a tretata da ostane za podocna. Ova beshe vednash prifateno po shto go objavi i predlogot Talat Dzaferi da bide izbran za nov pretsedatel na Sobranieto, poddrzhan so potpisi od 62 pratenika, koj od porano e arhiviran vo Sobranieto.
Na povikot za glasanje race krenaa 61 pratenik (ne beshe prisuten Ali Ahmeti).
Vednash potoa Talat Dzaferi polozhi zakletva na makedonski deka kje go brani Ustavot i zakonite na Republika Makedonija i ja potpisha podgotvenata izjava. Vo negovo obrakjanje toj prozbori prvo na albanski a potoa na makedonski jazik:
“Im se obrakjam na site gragjani na Republika Makedonija. Iako ova e prvpat vo istorijata na vakov nachin da se bira pretsedatel, ve uveruvam deka kje rabotam soglasno Ustavot i zakonite na drzhavata i protiv site manipulacii”, izjavi Dzaferi.
Dodeka traeshe ova “prodolzhenie” na sednicata, pratenicite na VMRO-DPMNE glasno peeja patriotski pesni i skandiraa: “Sramota”, “Ova e puch”!Ostanaa i da ja shtitat foteljata na pretsedavachot Trajko Veljanoski, koj ne sakashe da ja prepushti.
Liderot na SDSM, Zoran Zaev, zaedno so Talat Dzaferi se upatija kon pres-centarot na Sobranieto.
Vo megjuvreme vekje techeshe pritisokot na tolpata od pred Sobranieto nasilno da vleze vo parlamentot.
Policijata na strana na tolpata
Policiskoto obezbeduvanjeto na Sobranieto vo toj mig iznesuvashe okolu 50 lica: 30 od edinicata za brzi intervencii (EBR) i 20 uniformirani policajci. Komandirot pobaral zasiluvanje vo 18,30 so poraka deka tolpata kje uspee da se probie vo zgradata. No policiskoto zasiluvanje, spored naredbata na direktorot na BJB, Mitko Chavkov, stigna duri neshto po 20 chasot.
Vo megjuvreme povekje od 200 lica upadnaa vo Sobranieto i prvo ja zaposednaa plenarnata sala. Nivniot broj pochna da se zgolemuva, nekoi vleguvaa a drugi izleguvaa.
Po izvesno vreme, pogolema grupa protestanti uspea bez nasilstvo da mine niz kordonot policiski “zhelki” koi stoeja na skalite koi vodat kon gorniot kat. Megju niv povekjemina bea so fantomki na glavite. Spored pozdravuvanjeto ochigledno beshe deka del od policajcite i del od protestantite dobro se poznavaat.
Grupata shto se iskachi po skalite otide direktno pred vratata na pres-centarot. Tamu naidoa na dvajca pripadnici od sobraniskoto obezbeduvanje i trojca telohraniteli na chelnicite na SDSM. Tie ja chuvaa vratata od pres-centarot.
Telohranitelot na Oliver Spasovski (koj mu e dodelen od MVR i e aktiven policaec) go imashe izvadeno pishtolot, no podocna go pribra vo futrolata i povekje ne go izvadi, iako beshe eden od onie koi dobija mnogu udari. Podocna, vnatre vo pres salata drug policaec od istoto obezbeduvanje pukna dva pati vo vozduh, no toa ne ja predomisli masata.
Po kusoto ubeduvanje deka ne mozhe da vlezat, protestantite zastanaa a del od telohranitelite vleze vo pres-centarot. Tamu, vo ischekuvanje na nastanite bea pogolem broj pratenici od SDSM i DUI, kako i Zijadin Sela i ushte dvaesetina novinari i snimateli. Dobar del od niv bea vo galerijata i se obiduvaa da slezat so pomosh na improvizirana platforma (od klupite).
Nadvor, pred vratata se slushna deka ima silna turkanica. Brojot na protestanti se beshe zgolemil i tie pritiskaa da vlezat. Na krajot im uspea i vednash so pcosti se nafrlija kon liderot na SDSM, Zoran Zaev.
Vo toj mig pochnaa da letaat stolovi, parchinja iskrshen mebel, nogarki, laptopi, kameri. Euforichniot napad vrz del od pratenicite traeshe pomalku od edna minuta, po shto besnata tolpa ja ispea “Edno ime imame” i uporno prodolzhi da se turka da stigne do Zaev ili do drugite pratenici koi bea napikani pokraj dzid.
Toa turkanje, prosledeno so pcosti i zakani, so frlanje na tripodi za kameri, delovi od mebel i plastichni shishinja traeshe slednite desetina minuti.
Tolpata nasilno go izvleche pratenikot Zijadin Sela i pochna nemilosrdno da go tepa. Toj najmnogu nastrada – po shto celiot oblien vo krv padna vo besoznanie a negovoto telo beshe izvlechkano nadvor.
Vo toj period pomegju napagjachite i napadnatite pratenici se postavi Vlatko Gjorchev od VMRO-DPMNE koj se obiduvashe da gi zashtiti. Gi ubeduvashe napagjachite deka treba da se smirat i da se povlechat. Na pomosh povika ushte nekolku lica, poznati novinari, sportisti, pripadnici na sobraniskoto obezbeduvanje. Duri i maskiranite so fantomki mu se prikluchija vo smiruvanjeto na tolpata, no situacijata vekje kako da beshe nadvor od kontrola.
Konfliktnata sostojba i zakanite shto gi dobivaa opkolenite pratenici traeshe ushte skoro eden chas!?
Duri togash stignaa specijalcite na MVR koi frlija shok bombi vo prostorijata na pres-centarot za da ja razbrkaat razgnevenata tolpa. Sledeshe i edna bomba-solzavec. Na nekoi od napadnatite pratenici, se ushte stutkani kraj dzidot, im bea podeleni gas-maski so instrukcii da pochekaat dodeka prostorijata ne se isprazni od napagjachite.
Potoa pratenicite na SDSM, zaedno so Zoran Zaev i Talat Dzaferi, so policiska pridruzhba bea odneseni vo kancelarijata na Vlatko Gjorchev kade im beshe ukazhana prva pomosh.
Ova bezbedno mesto go iskoristija i del od novinarite, del od koi bea isto taka fizichki napadnati i im beshe iskrshena opremata.
Duri vo 23,30 chasot policiskite specijalci, koi dojdoa kako zasiluvanje tri chasa porano, uspeaja da go ispraznat Sobranieto od narodot koj ja zaposedna zgradata. Neshto prethodno bea evakuirani site pratenici, koi prvo bile odneseni vo kasarnata vo Gjorche Petrov, a potoa pushteni da si odat.
Silni policiski kordoni go raschistija i perimetarot okolu Sobranieto, osven pred glavniot vlez kade shto golem broj privrzanici na inicijativata “Za zaednichka Makedonija” ostanaa do docna vo nokjta. Mal del od niv i prespaa vo trevnikot, kade postavija nekolku shatori.
Pratenici od VMRO-DPMNE ja pushtile gnevnata masa vo Sobranieto!?
– Spored nashite informacii, nekolku od pratenicite na VMRO-DPMNE gi trgnale shipkite od portite na Sobranieto i ovozmozhile tolpata da vleze vo Sobranieto. Tie shipki se so cel da se zabarikadiraat vratite od vnatre. No nie znaeme i koi bile tie pratenici koi duri im asistiraa na huliganite vo sobiranjeto na oruzhje. Nekolku od niv gi vodea, im kazhuvaa kade treba da ne najdat, za shtetata da bide pogolema, reche potpretsedatelkata na SDSM Radmila Shekerinska za Televizija 24.
Spored shpekulaciite, pratenikot koj naredil da se trgnat shipkite e Ilija Dimovski.
“ZA ZAEDNICHKA MAKEDONIJA”: Ne opravduvame nikakvo nasilstvo, im se sluchi narod na tie koi se obidoa da napravat drzhaven udar
– Nikakvo nasilstvo ne opravduvame, nasilstvoto e losho, nie 60 dena bevme na ulicite so ljubov, so dobra energija, mirni dostoinstveni i gordi. Tie se obidoa da napravat drzhaven udar – im se sluchi narod, nikoj toa ne mozhe da go kontrolira, istakna Bogdan Ilievski, eden od vodachite na “Za zaednichka Makedonija” pred Sobranieto na Republika Makedonija.
PRATENICITE OD DUI BEA ZASHTITENI MECHKI?
Dodeka Zaev i ostanatite gi tepaat, Artan Grubi slobodno si se sheta kako na pazar!?
Od mnoshtvoto video-snimki na napadot vrz pratenicite vo Sobranieto vo chetvrokot, vidlivo e deka povekjemina pratenici na DUI slobodno stojat ili se dvizhat niz masata revoltirani gragjani bez da im fali vlakno od glavata. Na primer, mozhe da se vidi kako Artan Grubi slobodno si pominuva i izleguva vo prepolnata sala na pres-centarot dodeka Zaev i ostanatite se meta na zhestok napad i zakana po zhivot.
Napagjachite kako da imale cel da gi tepaat samo pratenicite na SDSM. Se zboruva deka nivnite predvodnici gi izvikuvale iminjata na tie koi trebalo da bidat napadnati, pa duri gi osloboduvale site onie koi ne im bile na “listata”.
