Liberalnata partija po shokantnoto zaminuvanje na Keli O’Dvejer, ministerkata za odnosi vo industrijata od federalnata politika, saka na ovaa pozicija povtorno da sedne zhena.
Prajministerot Morison gi otfrli ovie „nepristojni” izjavi i ja obvini opozicijata za dvolichnost.
Keli O’Dvejer najavi deka kje se povleche od politikata na slednite izbori za povekje vreme da posveti na semejstvoto i na obidot da dobijat treto dete. Nejzinata ostavka pretstavuva golem udar za Liberalnata partija koja se machi so mal broj zheni vo federalniot parlament.
Zamenichkata na liderot na laburistite Tanja Plibersek, koja odgledala tri deca za vreme na svojata rabota vo parlamentot, izjavi deka razbira pod kakov pritisok se naogja Keli O’Dvejer. No Tanja Plibersek izjavi deka na liberalite ne im uspealo da go olesnat odrzhuvanjeto na ramnotezhata megju roditelskite i ministerskite dolzhnosti.
„Edinstvena razlika koja Liberalnata partija bi morala da ja napravi e da gi zadrzhuva lugjeto kako shto se Keli O’Dvejer vo prvite redovi na parlamentot i da go zgolemi brojot na zheni vo svojata partija. Zatoa shto koga ednash kje ja postignete kritichnata masa kje ja promenite kulturata na odnesuvanje” – izjavi taa.
Prajministerot Skot Morison go otfrli ovoj argument.
„Vo red e mashki pratenik na laburistite od Zapadna Avstralija (Tim Hamond) da izjavi deka nema da uchestvuva na slednite izbori od semejni prichini, isto taka toa bi trebalo da bide vo red vo sluchajot na Keli O’Dvejer” – reche Morison. Izjavi i deka Keli O’Dvejer nikogash ne se zhalela na nivoto na poddrshka shto ja dobivala.
„Taa ja donese svojata odluka i drago mi e shto bev pokraj nea koga ja donese”. Prajministerot izjavi i deka site politichari, osobeno ministrite, pominuvaat mnogu vreme odvoeni od svoite semejstva. „Ova e neshto shto doagja so nashata rabota i iskreno kazhano toa ne e nevoobichaeno.”
Liberalnata partija bara druga zhena koja bi mozhela da ja zameni Keli O’Dvejer vo nejzinata izborna edinica vo Hiddins vo Melburn vo koja vodi so osum otsto.
„Uveren sum vo mnogu silna poddrshka na zhenite” – reche Morison.
Keli O’Dvejer koja voedno e i ministerkata za prashanja za zhenite, e edna od postarite zhenski chlenovi na koaliciskata vlada. Mal e brojot na zheni koi bi mozhele da bidat potencijalni kandidatki na Liberalnatata partija za izbornata edinica na istok vo vnatreshnosta, vkluchuvajkji ja i senatorkata na Viktorija, Dzejn Hjum koja saka da vleze vo dolniot dom. Dokolku naslednichkata na Keli O’Dvejer ne uspee da pobedi na slednite izbori, liberalite bi mozhele da ostanat bez zhena od Viktorija vo pratenichkiot dom.
„Ne e problem vo toa shto taa zaminuva, toa e nejzino pravo, problem e shto ne se znae koja zhena kje ja zameni vo prvite redovi vo parlamentot koga taa kje zamine” – reche liderot na opozicijata Bil Shorten.
Chlen na federalnata vlada Daren Chester ja braneshe nejzinata odluka za zaminuvanje tvrdejkji deka e potrebno da se ohrabrat golem broj mladi zheni da vlezat vo politikata i da im se dade poddrshka koga kje vlezat vo parlamentot.
