На конференцијата за новинари која ја одржа заедно со данскиот министер за надворешни работи, шефот на руската дипломатија Сергеј Лавров, прашан за можните санкции на ЕУ против Москва поради труењето на рускиот опозиционер Алексеј Навални, кажа дека Европската Унија во случајот на Навални се однесува и како судија и како порота.
Рускиот министер за надворешни работи кажа дека ЕУ не ги споделила клучните информации со Москва кои би ѝ помогнале на Русија во спроведувањето на истрагата. Тој напомена дека Германија ги крши своите меѓународни информации, пренесува Ројтерс. Москва упорно негира каква било вмешаност во труењето на Навални, кој го обвини рускиот претседател Владимир Путин дека стои зад неговото труење. Кремљ ги отфрли овие обвинувања.
