Три регионални заедници во Квинсленд се молат да бидат внимателни откога во отпадните води се најдени трагови на коронавирусот. Министерството за здравство на Квинсленд објави дека при тестирањето на отпадните води откриени се фрагменти на вирусот во областите на градовите Townsville, Rockhampton и Nambour во Gold Coast.
Главната докторка на Квинсленд д-р Jeanette Young изјави дека примероци се земени на 12, 18 и 19 јануари и овие резултати бараат внимание, но не значи оти во заедницата има неоткриени случаи. „Позитивен наод на тестирањето на отпадните води може да значи дека некој кој бил заразен или моментално е заразен го лачи вирусот. Заразените лица можат да лачат фрагменти на вирусот и ова лачење може да се случи од неколку недели до неколку месеци откога лицето повеќе не е заразно. Тоа не значи дека имаме нови случаи на КОВИД – 19 во овие заедници” – вели таа. Ги замоли жителите од областите Townsville, Nambour и Rockhampton во случај на појава на симптоми веднаш да се јават на тестирање. Согласно со бројките на Министерството за здравство на Квинсленд, моментално нема активни случаи во Townsville ниту во Централен Квинсленд, но два активни случаи се забележани во Gold Coast.
