Македонското литературно друштво Кочо Рацин одржа Поетско читање во рамките на фестивалот на писателите Мил Парк 2017. Настанот започна со рецитација на поемата Проштевање од Кочо Рацин, а во изведба на Дона Д. Кантаровска.
Осврт за значењето на поезијата даде Гордана Димовска а потоа следуваше читање од страна на другите членови на друштвото: Стеван Ацески, Верка Горгиевска, Дона Димовска Кантаровска која за првпат се претстави со своја авторска поема, Љупчо Столески (поезија по избор), Весна Дамчевска, избор поезија од Славко Крстевски и други наши македонски автори. Се отстапи простор и за промовирање на книгите на Лидија Дочовска Павловска: Солзите на Преспана, Така љубеше Косара и Крикот на пеликанот чиј промотор беше Сашка Ставрески, а дел од нејзината поезија читаа Гордана Димовска и Дона Д. Кантаровска.
Друштвото ќе продолжи да работи на полето на литературата и афирмирањето на македонскиот пишан збор во Австралија.
Гордана Димовска
