Стотици луѓе се евакуирани од домовите и фармите во јужниот дел на Нов Зеланд поради поплави, соопштија властите.
Жителите на градовите Гор, Матаура и Виндхам беа предупредени веднаш да ги напуштат своите домови поради реките кои се повеќе се полнат како резултат на обилните врнежи од дожд. Евакуирани се и неколку стотици туристи од Милфорд Саунд откако поплавите и лизгањето на земјиштето ги прекинаа патиштата. Многумина од нив беа евакуирани со хеликоптер.
На југот на регионот, властите прогласија вонредна состојба.
