Првиот Светски Куп за фудбал за сениори (50+) (со одење) се одржа на 12 октомври во Mill Park Basketball and Netball Stadium, Redleap Avenue, Mill Park во орагнизација на Whittlesea U3A, City in the Community – Melbourne City Football Club, Tamil Seniors Social Club and City of Whittlesea.
Учество зедоа екипи кои ги претставуваа Австралија, Македонија, Италија, Грција, Шри Ланка, Египет и Обединтеите Нации. Македонската екипа беше составена од членови на повеќе Македонски пензионерски групи од Општината Витлси, (Кајмакчалан, Арменоро, Златно Сонце и Македонската машка група) кои заеднички, сложно и со голема спортска вештина ги победија останатите екипи.
Одлучувачката победа беше изиграна против тимот на Австралија која заврши со резулат од 4 – 0 за Македонската екипа и на огромна радост на учесниците кои гордо ја претставија македонската заедница го освоија купот и беа добитници на трофејот.
Честитки за учесниците кои им препорачуваат на лицата од машки и женски пол над 50 годишна возраст да се вклучат во редовните сесии за фудбал со брзо одење во организација на Витлси У3А со поткрепа од Melbourne City Football Club, секој Четврток од 10 -12 часот наутро (освен за време на школските одмори) во Mill Park Basketball and Netball Stadium, Redleap Avenue, Mill Park.
За повеќе информации за оваа програма заинтересираните да се јават на 9407 5913 / 0404 119 189
Јагода Котеска
