Секој итен случај во врска со забите може да биде лекуван во Royal Dental Hospital во Мелбурн, на 720 Swanston Street во Карлтон. Вие може да го скратите времето на чекање ако најнапред телефонирате на 1300 360 054.
За да добиете општа, протетичка или специјалистичка нега низ јавниот забоздравствен систем, вие треба да имате право на тоа. Лицата кои имаат право исто така може да добијат итна нега во комуналните забоздравствени клиники.
Следните лица имаат право:
• Сите деца на 12 години и помлади
• Лицата што имаат една од попустните картички подолу и секој чие име е на картичката
• Сите лица од абориџинско и потекло од островите во Теснецот Торес кои сакаат да се лекуваат во Royal Dental Hospital во Мелбурн
• Новодојдени бегалци и азиланти
• Деца запишани во специјални училишта за развој
• Тие што се сместени во објекти обезбедени од Одделението за деца, младина и семејства при Министерството за хумани служби (Children, Youth and Families Division of the Department of Human Services).
Дали имате деца на возраст од 12 до 17 години?
На деца на возраст од 12 до 17 години забите може бесплатно да им бидат прегледани преку Забоздравствениот план за тинејџери (Teen Dental Plan) на Medicare. За повеќе информации телефонирајте на 132 011 (разговорите се наплатуваат) или одете на интернет страницата:
www.medicareaustralia.gov.au.
Јавете се на вашата локална комунална забна клиника. За да најдете клиника блиску до вас, телефонирајте на 1300 360 054 или одете на интернет страницата www.dhsv.org.au. Кога ќе се јавите, рецепционистот или рецепционистката ќе провери дали имате право на услуги. Ако имате, вашето име ќе биде ставено на листа на чекање.
Колку ќе платите зависи од вашата ситуација и видот на потребното лекување. Вашето лекување може да биде бесплатно или може да треба да се плати.
Дали спаѓате во некоја од следните групи?
• Деца и млади под 18 години
• Лица од абориџинско и по потекло од островите во Теснецот Торес
• Новодојдени бегалци и азиланти
• Бремени жени на кои им треба општа нега
Ако спаѓате во некоја од погоре наведените групи, вие може да не треба да бидете ставени на листа на чекање. Кажете му на рецепционистот или рецепционистката дека вие можеби имате право на ‘priority access’ („приоритетен пристап”).
