Telefonot shto na 27-mi april go koristel chlenot od obezbeduvanjeto na Gruevski bil mehanichki dramatichno oshteten, so vidlivi tragi na intervencii.
Obvinitelstvoto treba da pobara iskaz od poraneshniot lider na VMRO-DPMNE, Nikola Gruevski, so ogled deka toj go znae identitetot na liceto od negovoto obezbeduvanje koe go koristelo telefonskiot broj, a koe vo dispozitivot na obvinenieto za nastanite od 27 april e navedeno kako nepoznato lice, velat pravni eksperti za BIRN.
Vo obvinenieto beshe posochen telefonski broj, sopstvenost na Sluzhbata za opshti i zaednichki raboti na Vladata, od koj NN lice od obezbeduvanjeto na Gruevski (koj togash kako pretsedatel na VMRO-DPMNE bil vo Viena), na 27 april 2017 godina vo 14:30 chasot kontaktiral so obvinetiot Aleksandar Vasilevski-Nindza, sega vo begstvo, a koj potoa zaedno so obvinetiot Nikola Mitrevski Koljo telefonski kontaktirale del od drugite obvineti koi go mobilizirale chlenstvoto od Skopje i drugi gradovi za nasilen upad vo Sobranieto.
Po mediumskite navodi deka spomenatiot telefon go koristel Bojan Vasilevski, brat na obvinetiot Aleksandar Vasilevski – Nindza, Gruevski odgovarajkji na novinarski prashanja izjavi: „Jas razgovarav so chlenot na moeto obezbeduvanje otkako gi prochitav ovie navodi. Toj mi reche deka kako i sekoj koga kje zamine na pat vo stranstvo, imal kratok telefonski razgovor so negovata sopruga, semejni razgovori, i so negoviot brat, isto taka, semejni razgovori. I toa e se. Nishto povekje od toa”, reche Gruevski, dodavajkji: „Da imashe ‘d’ od dokaz protiv mene, jas odamna nemashe da bidam tuka”.
Od Obvinitelstvoto potvrduvaat deka prodolzhuva istragata za nastanite od 27 april i deka sekoe novo soznanie kje bide zemeno predvid, no vo ovoj moment nema da soopshtuvaat koi lica dopolnitelno kje bidat povikani da dadat iskaz. No, izvori upateni vo istragata tvrdat deka po spomenatata izjava, Gruevski sigurno kje bide povikan vo Obvinitelstvoto.
Telefonot mehanichki oshteten
Uverenosta na Gruevski deka vo ovoj kontekst nema ni „d” od dokazi protiv nego, mozhebi se temeli na informacijata do koja denovive dojde BIRN, a za Gruevski najverojatno e poznata podolg period: deka telefonot shto na 27 april go koristel NN chlenot od negovoto obezbeduvanje, vo Sluzhbata za opshti i zaednichki raboti na Vladata bil vraten so krupni mehanichki oshtetuvanja. Odnosno, vo takva sostojba bil predaden po baranje na Obvinitelstvo, koe potoa go dalo na veshtachenje.
„Toj telefonski aparat mehanichki e dramatichno oshteten, so vidlivi tragi na intervencii, najverojatno od udari so metalni predmeti, so cel da bide unishten i beskorisen za eventualna proverka”, velat nashite izvori.
Stanuva zbor za eden od telefonskite aparati, sopstvenost na vladinata SOZR, koi se davaat na upotreba na chlenovi na vladini delegacii pri nivno patuvanje vo stranstvo. Nema odgovor koj odobril takov telefon da go koristi chlen na obezbeduvanjeto na Gruevski, koj vo toj period ne beshe premier, a vo Viena zamina privatno, od pozicija na partiski lider.
No, i bez ovoj aparat, spored izvori od odbranata, i upateni vo istragata, ima dokazi deka vo denovite pred kritichnite nastani, Gruevski ramenuval SMS poraki so pratenicite Krsto Mukoski i Sasho Vasilevski. Sepak, listinzite od negovata komunikacija otvoraat i drugo prashanje: kolku telefoni koristel liderot na VMRO-DPMNE?
Od dva telefonski broja shto figurirale kako negovi, najfrekventni komunikacii imal na 26 april, den pred „krvaviot chetvrtok” i den koga mediumite vekje informiraat za negovite prvi sredbi vo Viena. Toj den Gruevski imal razgovori so pretsedatelot Gjorge Ivanov, so tehnichkiot premier Emil Dimitriev, so Bogdan Ilievski-Betmen od inicijativata „Za zaednichka Makedonija” i so povekje partiski sorabotnici.
Na 27 april, pak, bile registrirani samo dve komunikacii: vecherta okolu 21 i 40 minuti razgovaral so Ivanov, a okolu 21 i 50 so Mitko Chavkov. Indikativno e shto razgovorot so Chavkov trael neshto povekje od edna minuta, a praktichno e realiziran otkako situacijata vo parlamentot vekje e stavena pod kontrola na policijata i privrshuva postapkata za evakuacija na pratenicite. Kolku za ilustracija, mediumite okolu 21 chasot ja objavija vesta deka Zaev e evakuiran od parlamentot.
Od koj telefon togash razgovaral Gruevski?
Od koi telefonski broevi komuniciral Gruevski so stranskite drzhavnici i partiski sorabotnici kje treba da otkrie istragata
Lani vo intervju na „Top tema” na 28 april, samo eden den po „krvaviot chetvrtok”, Gruevski ne mozheshe da se seti vo kolku chasot razgovaral so Chavkov, no objasni deka samiot go pobaral za da go prasha shto se sluchuva.
„Od obezbeduvanjeto mi go prekinaa sostanokot, i toa go napravija pametno, so pravo, za da me informiraat deka vo nashata zemja se sluchi toa shto se sluchi. Vo toj moment prvoto shto go napraviv, bidejkji mi kazhaa deka ima nekakov prenos, sakav da vidam shto e toa. Prvo poglednav na internet, da vidam za shto stanuva zbor, zoshto me izvadija od sostanok?! Otkako dobro go vidov toa, pochnav da vrtam telefoni kaj site moi sorabotnici. Megju drugite, go pobarav i Chavkov, da go prasham shto se sluchuva. Mi objasni shto se sluchuva, i ona shto go kazhav beshe deka policijata treba profesionalno da si postapi i da gi odbrani zhivotite na site tamu, dokolku se zagrozeni”, izjavi Gruevski.
Vo istoto intervju reche deka na 27 april se slushnal so povekje lica.
„Jas sinokja (27.4.- n.z) so desetina pretstavnici na megjunarodnata zaednica se slushnav telefonski (…) Se slushnav i so Nikola Todorov. Se slushnav so Ilija Dimovski. Se slushnav so ushte chetiri-pet pratenici. Normalno e da se slushnam. Shto da pravam? Da sedam i da gledam vo tavan?”, retorichki prasha liderot na VMRO-DPMNE.
No, negovata izjava ne se sovpagja so podatocite za pojdovni i dojdovni povici od negovite dva telefona. Spored podatoci do koi dojde BIRN, na 27 april, osven spomenatite komunikacii so Ivanov i Chavkov vo docnite vecherni chasovi, na negovite dva broja ne se registrirani drugi razgovori, nitu so stranski pretstavnici, nitu so posochenite partiski sorabotnici. Na 28 april na tie dva broja ne e registrirana nitu edna telefonska komunikacija na Gruevski. Prviot i edinstven razgovor go realiziral duri na 29 april, so bratuchedot i poraneshen direktor na UBK, Sasho Mijalkov.
Od koi telefonski broevi komuniciral Gruevski so stranskite drzhavnici i partiski sorabotnici kje treba da otkrie istragata, a veshtachenjeto – kakvi tajni krie oshteteniot telefon na SOZR.
I Chavkov go izgubil mobilniot?
Pokraj indiciite deka e namerno oshteten telefonot vo sopstvenost na SOZR, kontroverzna e i „sudbinata” na ushte eden telefonski aparat: vtoriot telefon na togashniot direktor na Biroto za javna bezbednost, Mitko Chavkov. Po priveduvanjeto, na 30-ina osomnicheni im bile odzemeni site mobilni telefoni so koi raspolagale, no od Chavkov bil odzemen eden telefonski aparat. Za drugiot, za koj e utvrdeno deka isto taka aktivno go koristel, Chavkov izjavil deka go izgubil na pat od edna do druga bolnica, koga lani vo juli pretrpel srcev udar.
Od druga strana, vo tetra-sistemot na MVR, koj sluchajno ili ne podolg period ne bil funkcionalen za verbalna komunikacija tuku samo za isprakjanje poraki, vo kritichniot den kako nastani so mozhen rizik bile posocheni samo eden kosharkarski i eden fudbalski natprevar. Koga pochnale prvite sobiranja na gragjanite pred parlamentot i ponervozni reakcii, preku tetra-sistemot bila ispratena poraka deka pred Sobranieto e tenzichno i deka e mozhno vleguvanje na tolpata vo parlamentot.
Ovaa poraka mozhele da ja vidat site strukturi vo MVR, no nikoj ne izreagiral, osobeno ne nadlezhniot shef na Operativniot shtab, Mitko Chavkov. No, i dvata telefona koi gi koristel vo kritichniot den, osobeno vo periodot koga bil nedostapen za ministerot za vnatreshni raboti, spored zapisite vo baznite stanici, zrachele na podrachjeto na opshtina Centar, vo reonot na Belata palata.
(“Dojche vele”)
