Американскиот претседател Доналд Трамп потврди дека ќе нареди отворање на доверливото досие за убиството на американскиот претседател Џон Ф. Кенеди во Далас во 1963 година.
– Поради приемот на дополителни информации, ќе дозволам, како претседател, да се отвори одамна блокираното и доверливо досие за ЏФК, Трамп напиша на својот твитер профил.
Се работи за илјадници документи кои се чуваат во американскиот Национален архив. Со специјален закон, донесен на 26 октомври 1992 година, беше предвидено овие документи да бидат претставени пред јавноста по 25 години, односно до 26 октомври 2017 година.
Поголем број медиуми во САД навестуваа дека претседателот Трамп, сепак, ќе реши да го продолжи рокот во кој овие документи ќе останат тајни, со цел да се заштитат одредени разузнавачки програми кои може се уште да се во тек. Но, по се изгледа дека треба да се очекува документите за убиството на Кенеди да станат достапни в четврток.
