Виктор Бивел е Македонец роден во Австралија. На далечниот континент ја промовира македонската вистина наспроти грчката пропаганда. Се занивама со издавачка дејност. Досега има издадено 13 книги на англиски со македонски теми…
Г-дин Бивел, вие сте Македонец роден во Австралија. Од кој крај на Македонија потекнувате?
– Моето семејство е од Егејскиот дел на Македонија. Моите дедовци пристигнале во Австралија во 1926 година и 1937 година, а моите родители во 1955 година. Јас сум првиот во нашето семејство што е роден во Австралија, во 1957 година. Цел живот живеам таму. Во Австралија се школував, завршив факултет, работев… Подоцна почнав мој бизнис. Се оженив и моето семејство е тука.
Вие се занимавате со издавачка дејност. Колку книги имате издадено досега?
Јас објавувам македонски теми на англиски јазик. Почнав со Политички Публикации во 1992 година и досега имам објавено 13 книги. Повеќето од нив се книги за животот на Македонците во Егејскиот дел на Македонија. Покрај овие книги, објавив и англиски преводи на романите „Црно семе”, „Големата вода” и „Пиреј”, што за првпат се случи во Австралија.
Освен ова, на весникот „Македонска Искра” кој излегуваше во Австралија од 1946 до 1957 година му направив „онлајн” издание. Има повеќе од 100 броја кои можат да се најдат на интернет. Во 2004 година направив компилацијата Македонските заедници во светот. Се обидов да внесам што поголем број на имиња на градови, гратчиња и села низ светот каде што има македонски населби. Постојат околу 3.000. Друг проект беше Договорите и Правните Случаи. Тоа се копии од меѓународни Договори со кои Македонија беше поделена, како што е Договорот од Букурешт, плус некои од национални и меѓународни правни случаи кои имаат влијание на Македонија и Македонците. На мојот портал Политички Публикации има дел „Животот во Егејска Македонија” каде што објавувам оригинални статии за луѓето, политиката, културата, историјата и дијаспората на Егејците. Мојот најнов проект е Бесплатни Е- книги, каде што јас овозможувам да се достапни „онлајн” копии на книги за човековите права, политика, историја, јазик, литература и економија на Македонците. Досега има над 160 бесплатни книги на интернет на веб – страницата „pollitecon.com”.
Г-дин Бивел направивте и ДНК тест. Кажете ми што покажа тестот?
– Како и многу луѓе, сакав да знам повеќе за моето потекло, и затоа направив генетски тест во Тексас. Тоа покажа дека 90 проценти сум европски и 11 отсто од Блискиот Исток од Мала Азија. Мојот европскиот дел од гените, излезе дека 66 проценти сум од Југоисточна Европа, 15 отсто од Источна Европа и 9 проценти од Западот и Централна Европа.
Она што е исто така интересно е дека ако теоријата за словенските миграции е точна, тогаш јас треба да имаат многу повисок процент од 15 проценти од Источна Европа. А ако грчката пропаганда е точна, јас треба да бидам 100 проценти од Источна Европа.
Но, резултатите се многу различни. Тие велат дека мојата таткова лоза (таткото на мојот татко и така натаму) дека припаѓам на хаплогрупа Е-M35. Академските истражувања велат дека оваа хаплогрупа е силно поврзана со миграцијата во Југоисточна Европа пред околу 11.000 години кои го донеле неолитскиот јазик, земјоделството и технологиите од Блискиот Исток на Балканот и Европа. Можно е моето семејство на Балканот да е многу долго време, можеби 11.000 години.
Тоа е многу повеќе од 1.400 години, од теоријата на словенските миграции и грчката пропаганда. Резултатите покажуваат дека имам далечни генетски роднини во сите Балкански соседни земји и во Европа и во други делови на светот. Сето ова има огромни импликации за мојот идентитет, како и на начинот на кој гледам на национализмот на Балканот, особено агресивните форми на грчкиот, албанскиот и бугарскиот национализам.
Колку Македонците во Австралија успеваат да ја презентираат вистината за Македонија наспроти грчката пропаганада?
Јас сум активен меѓу македонската дијаспора во Австралија веќе 25 години, така што можам да потврдам дека има многу талентирани и вредни македонски активисти во Австралија. Дијаспората во Австралија, е многу горд на своето македонско наследство и има огромна љубов кон Македонија. Тоа треба да го знаат во Македонија.
Како и во остатокот од светот, и тука има многу грчката пропаганда. Но, проблем е што македонските активисти не можат да се спротивстават на грчката пропаганда, и да се постигне повеќе, бидејќи во Австралија има многу повеќе Грци отколку Македонци. Тие се три или четири пати повеќе од нас. Има некои добри политичари во Австралија кои го разбираат македонското прашање. Но, повеќето политичари ги гледаат само бројките, а Грците се побројни.
Се вели дека политиката е игра на бројки. Тоа секојдневно го гледаме воАвстралија. Бројките се битни и за стабилноста на Македонија. За опстанок на Македонија, добар начин е Македонците да поседуваат што повеќе земја. Албанците тоа го покажаа на Косово. Грците во Егејска Македонија. Сега е добро време Македонците да го стори истото во Македонија.
Пред извесно време апелиравте Македонците кои живеат низ светот да се вратат во Македонија. Дали Македонците кои живеат во Астралија сакаат да се вратат дома?
Веќе долго време, мигриранњето во други земји моќе да ја доведе опасноста Македонија да непостои. Мислам дека треба тој тек да се смени. На Македонија и требаат Македонците. Ова ќе помогне да се обезбеди опстанокот на Татковината и да се помогне да се подобри економијата. Таа, исто така ќе обезбеди политичка стабилност. Статистичките податоци покажуваат дека, во местата каде што мнозинството паѓа на ниско ниво, под 70 или 75 отсто, може да доведе до политичка нестабилност и граѓанска војна. Примери се Кипар, Северна Ирска, Шри Ланка…
Јас сакам да ги поттикнам Македонците од целиот свет да размислуваат како тие можат да и помогнат на Македонија. Тоа може да биде посета на Македонија за одмор, со инвестирање, поддршка на економијата со купување на македонски производи, или со повторно воспоставување или зајакнување на семејните врски и пријателства. Враќањето во Македонија би бил голем потег.
Дали вие планирате да се вртатите во родниот крај?
Моето потекло е од Егејскиот дел на Македонија, така што, јас не сум граѓанин на Република Македонија. Јас сум државјанин на Австралија. Но, неколку години размислувам да аплицирам за двојно државјанство, односно македонско државјанство. Но, тоа не е лесно.
Јас, исто така имам можност да аплицирам и за грчко државјанство. Но, мене ми е забранет влезот во Грција, претпоставувам поради мојот политички активизам. Ако аплицирам за двојно грчко државјанство, и ако го добијам, ќе ми помогне да го посетам нашето село, и ќе можам да гласам на избори, меѓу другите предности. Уште размислувам што ќе биде најдобро да направам.
“МИА”
