Минатиот петок во македонскиот ресторан “Канео”, што се наоѓа во северното мелбурншко предградие Резерво, се одржа хуманитарна вечеринка за настраданите од неодамнешната поплава во Скопје.
По иницијатива на Никола Кирковски и Горан Петрушевски во Kaneo Restoran спонтано се собраа педесетина луѓе од кои се собраа за донација $3,235 долари.
Треба да се напомне дека ресторанот и целокупниот персонал се откажаа од своите дневници и своја донација даде и Atlantic Caravan. Вечерта помеѓу присутните ги забележавме конзулката Бети Коруновска и претседателот на Советот Зоран Здравевски.
Собраните срдства се целосно депонирани на сметката на Македонската амбасада која ќе ги испрати средствата во Република Македонија.
