Pettemina obvineti vo sluchajot „Kjelija” dobija zatvorski kazni od 2 do 4 i pol godini otkako prethodniot ponedelnik priznaa deka se vinovni za delata za koi se tovarat, pa sudskiot proces zavrshi vednash otkako pochna. Presudata beshe objavena vo sredata.
– Mozhebi obvinetite bile zavedeni od ideologija shto ne bila dobra nitu za niv nitu za choveshtvoto, no se nadevam deka tie kje se vratat na praviot pat i deka kje mu se posvetat na semejstvoto, a onie shto nemaat, kje sozdadat semejstvo – reche sudijata Gjoko Ristov pri izrekuvanjeto na kaznata.
Toj objasni deka odlukata ja donel vrz osnova na Zakonot za odmeruvanje na kaznite imajkji gi predvid olesnitelnite okolnosti za obvinetite deka nekoi od niv se vo brachna zaednica, deka imaat deca, deka ne se osuduvani i deka ova e prvo krivichno delo shto go storile.
Najvisoka kazna dobi Isa Fuga na kogo sudot mu presudi edinstvena kazna vo traenje od 4 i pol godini za tri stava od chlenot 322-a „uchestvo vo stranska vojska, policija, paravoena ili parapoliciska formacija” od Krivichniot zakonik.
Na obvinetiot Erol Rustemi, koj se tovari za dva stava od istiot chlen, mu beshe izrechena edinstvena kazna zatvor vo traenje od 4 godini, a Abdula Abdulahi isto taka obvinet po odnos na dva stava od chlenot 322-a, dobi kazna zatvor vo traenje od 3 godini i 1 mesec. Po dve godini zatvor dobija Muhamed Imeri i Stefan Stefanovski, koi bea obvineti za po dva stava od istiot chlen. Site petmina na javnata sednica za ocena na obvinitelen akt negiraa deka se vinovni, no koga pochna sudenjeto, se popishmanija i rekoa deka se vinovni. Tie vchera ne bea prisutni na izrekuvanje na presudata i ostanaa vo pritvorskite oddelenija kade shto se po apsenjeto vo avgust lani, a kje ostanat vo pritvor se do pravosilnosta na presudata.
Ostanatite shestmina uapseni vo akcijata „Kjelija”, megju koi i liderot na grupata, imamot Redzep Memishi, vekje se na izdrzhuvanje na zatvorskite kazni. Tie ja priznaa vinata ushte na javnata sednica za ocena na obvinitelen akt i se spogodija so Obvinitelstvoto za visinata na kaznite. Imamot beshe osuden na sedum godini zatvor bidejkji ja organiziral kjelijata shto regrutirala i isprakjala dzihadisti vo Sirija i Irak. Toj reche deka e nevin, no deka poradi semejstvoto i maloletnite deca, kje ja prifati vinata za da ne im go unishti zhivotot so dolgogodishniot prestoj vo zatvor. I nekoi od drugite osudeni rekoa deka nivnite semejstva se prichina da se spogodat za pomali kazni, a del rekoa deka nemalo jasni dokazi protiv niv, no sepak prifatile vina bidejkji ne mozhele da gi pobijat na sud. Pa, taka, Fazli Sulja, Muhamed Shehu, Sejfula Edemovski i Resulj Saiti dobija edinstvena kazna zatvor od pet godini bidejkji bea obvineti za dva stava od chlenot 322-a. Ahmet Darlishta, pak, dobi pet godini i shest meseci zatvor bidejkji e obvinet za tri stava od chlenot za koi mozhel da dobie najmalku 15 godini zatvorska kazna.
Osudeni 11, na sloboda ushte 25 dzihadisti
Ova beshe prv sluchaj vo Makedonija vo koj im se sudeshe na lica shto zaminale da se borat vo stranski vojski i paravojski otkako bea usvoeni zakonskite izmeni vo septemvri 2014 godina. Vo akcijata „Kjelija” MVR podnese krivichni prijavi protiv 36 lica, no bea obvineti i osudeni samo 11 lica shto bea uapseni. Ostanatite, najverojatno, se na boishtata na Bliskiot Istok ili se krijat vo drugi drzhavi. Bidejkji nekoi od obvinetite se spogodija so Obvinitelstvoto, a drugi ja priznaa vinata, javnosta nemashe mozhnost da slushne detali koj od niv i kolku vreme se borel vo redovite na ISIL, no i kako drugite gi izvrshile delata za koi se tovarat.
(“Utrinski vesnik”)
