Во Парламентот на Нов Јужен Велс се одржа специјална мултикултурна прослава, посветена на различноста, заедништвото и меѓусебната почит меѓу заедниците.
На настанот учествуваше и групата „КУД Вардар“, која настапи со впечатлива и емотивна изведба, претставувајќи ја Македонската култура со достоинство, професионалност и гордост. Нивниот настап беше поздравен како силен придонес кон богатата културна разноликост што ја карактеризира Австралија.
Настанот обедини претставници од различни културни заедници, кои преку музика, танц и традиција ја прославија идејата за хармонија во различностите. Организаторите истакнаа дека ваквите собири играат важна улога во градењето на разбирање, почит и поврзаност меѓу заедниците.
Присуството и настапот на „КУД Вардар“ беа оценети како чест и привилегија, со порака дека културата и традицијата остануваат силен мост меѓу народите.
