Според главниот тренер на Лос Анџелес Лејкерс, Дарвин Хем, клубот се надева дека најголемата ѕвезда во тимот, „кралот“ Леброн Џејмс до крајот на сезоната ќе се врати на паркетот.
Очекуваме Џејмс да се врати во тимот во одреден момент од сезоната, изјави Хем.
Триесет и осумгодишниот Џејмс ја повреди тетивата на десната нога на 26 февруари за време на натпреварот против Далас. Клупските лекари треба в четврток да го прегледаат 4-кратниот МВП.
Лејкерси имаат пет победи и пет порази без Џејмс. Екипата го зазема 11. место во Западната конференција (11 натпревари до крајот на регуларниот дел од сезоната).
Леброн има просек од 29,5 поени, 8,4 скока и 6,9 асистенции по натпревар.
