Третиот по ред Македонски фестивал на храната, организиран од Македонско Австралиската организација на заедницата (MACO), оваа година ќе се одржи во северните предградија на Мелбурн. Во недела, на 23 ноември, веднаш до општинската зграда на Витлси и театарот на адреса 25 Ferres Blvd. Sout Morang од 10:30 до 18:30 часот. Минатите два фестивали организирани од MACO беа успешни и најавата е дека ќе се потрудат и во 2014 година да имаат богата програма. Потврдено е учество на повеќето културно уметнички друштва од Мелбурн, а секако дента ќе има и богат избор на храна и пијалоци со вкусот од Македонија.
