Во Нов Зеланд ја испитуваат можноста вирусот да е увезен преку замрзната увезена храна затоа што еден од новозаразените работел во погон за замрзнување риба од Кина.
Официјалните лица се убедени дека изворот на новите инфекции не е со локално потекло, тие веруваат дека е од странство.

Кралицата Елизабета Втора постхумно одликува морнар кој загинал за време на Втората светска војна кога потонал заедно со воен брод додека пукал на јапонски авиони, соопшти нејзиниот претставник во Австралија.

Судот на Нов Зеланд го осуди на 11 години затвор 66-годишен Џозеф Матамата од Самоа поради робовладетелство.
Тој изминатите 24 години ги намамувал жителите на Самоа ветувајќи им добро платена работа, а потоа мигрантите работеле без надомест на неговата фарма и во неговито дом, а ако одбиеле биле претепувани.

Угостителската индустрија на Квинсленд беше присилена брзо да се прилагоди на новите плановите за викендите поради новото правило „без стоење”, но полицијата го пофали нивниот труд. Главниот доктор на Квинсленд уште минатиот петок најави дека сите посетители на лиценцираните простори за точење алкохол мораат да седат во секој момент освен кога нарачуваат пијалок.

Викторија потврди рекорден број смртни случаи и зголемен број заразени од коронавирус поради што многумина изразија страв дека карантинот во Мелбурн не функционира.

Над 80 отсто од новите случаи на коронавирусот во Викторија од средина на мај се заразени на работните места, изјави премиерот Даниел Ендрус кога објави за новозаразените случаи. Значително е ширењето на вирусот во секторот за грижа за стари лица каде привремените работници редовно се движат од една во друга установа, изјави Ендрус.

Федералната опозицијата вели дека „има смисол” да се намалат исплатите во програмата JobKeeper во случаи каде луѓето во склоп на оваа програма вредна $70 милијарди, заработуваат сега повеќе отколку обично.

Австралија ќе додаде дополнителни 20 милијарди австралиски долари за поддршка на работните места, додека гувернерот на централната банка Филип Луи предупреди на тешко закрепнување бидејќи здравствената криза продолжува.

Неодговорни граѓани продолжуваа да ги кршат рестрикциите воведени во Викторија, а за време на минатиот викенд казни добиле над 200 граѓани на Мелбурн.

Влошување на епидемиолошката ситуација во Нов Јужен Велс доведе до нови принудни промени, не само во оваа држава, туку и во Јужна Австралија. Со зголемување на бројот на заразени со коронавирусот во новото жариште на југозападот на Сиднеј, се покажа дека состојбата не е доволно стабилна за да се отворат целосно границите за жителите на Нов Јужен Велс.

Квинсленд ја отвори границата за одмор на сите туристи освен за Викторија.
Министерот за здравство на Квинсленд, Steven Miles, изјави дека е забрането влегување на сите кои биле во Викторија во претходните две недели, освен на жителите на државата кои се враќаат дома и неколку други исклучоци.

Австралија го суспендира договорот за екстрадиција со Хонг Конг и ги продолжи визите за неговите граѓани како одговор на воведувањето на кинескиот закон за национална безбедност во Хонг Конг, изјави австралискиот прајминистер Скот Морисон.

Владата на Австралија поведе судска постапка поради сомневањата дека рекордниот пораст на бројот на заразени со коронавирусот во Викторија и причините за воведување на нови мерки на карантин во Мелбурн и во уште една област се предизвикани од секс-скандал.

Во вториот град по големина во Австралија, Мелбурн воведен е шест неделен карантин, а властите се решија на овој потег за да го спречат ширењето на коронавирусот.
Премиерот на Викторија, Даниел Ендрјус, рече дека од среда навечер луѓето мора да останат во своите домови, освен за работа, итни обврски, медицински третман или училиште.

Австралија најави голема воена инвестициска програма со која ги зајакнува своите способности за ракетни напади и водухопловните бази во услови на ескалирање на регионалните тензии со Кина, зајакнувајќи ја заложбата на прајминистерот Скот Морисон за „отворен, суверен Индо-Пацифик, ослободен од принуда и од хегемонија.

Австралија досега многу подобро се справи од многу од останатите земји со коронавирусот со вкупно потврдени 8,012 случаи и 104 смртни исходи. Единствен исклучок е Мелбурн, од каде вирусот избега од карантинот поради криминалната негрижа на оние што требале да го надгледуваат изолирањето на патниците што доаѓаат од странство.

Викторија во саботата го регистрираше најголемиот пораст на бројот случаи на зараза со новиот коронавирус од крајот на март, поради што се заостри наредбата за изолација на домовите во уште три насеби на Мелбурн во кои целосно се изолирани девет згради.

Aвстралија планира да ја задржи мерката за задолжителен 14-дневен карантин за оние кои влегуваат во земјата.