Американскиот претседател Доналд Трамп го започна својот престој во Осака со вечера со австралискиот премиер Скот Морисон зa време на самитот Г20. Двајцата водачи си разменија пофалби, а Трамп изјави дека би сакал да ја посети Австралија подоцна оваа година, за време на одржувањето на престижниот турнир во голф Куп на претседатели.
Трамп, исто така рече дека двата народи „многу блиско соработуваат” кога е во прашање трговијата.

Австралија се наоѓа сред криза на ментално здравје на мажите и покрај напорите да се сопре шокантната статистика.
Во текот на минатите седум дена по повод обележувањето на неделата на машкото ментално здравје, news.com.au нагласи важна тема поврзана со менталното здравје и епидемијата на самоубиства на мажите во Австралија.

Ако вашето млеко од марките Coles и Pauls е малку жолтеникаво, бидете внимателни. Освен тоа, јајца од одредени производители би можеле да бидат заразени со салмонела.
Агенцијата за храна на Нов Јужен Велс советува компанијата Egg Basket да ги повлече Country fresh eggs, Just Eggs, Chefs Choice cage free eggs. Ова повлекување на производите се налага поради можното присуство на предизикувач на salmonella enteriridis.

Викторија е првата австралиска држава во која евтаназијата е озаконета.
Во Викторија стапи во сила Законот за евтаназија, кој ќе им овозможи на пациентите во терминална фаза да го завршат животот со смртоносна комбинација на лекови.
Викторија е првата австралиска држава во која евтаназијата е озаконета. Потпомогнато самоубиство е нелегално во повеќето земји. Во Австралија беше забрането до 2017 година кога Викторија го усвои контроверзниот закон.

Полин Хансон, лидерката на партијата One Nation изјави дека нема да ги поддржи плановите на прајминистерот Скот Морисон за намалување на данокот.
Шефицата на партијата One Nation, која ги држи двата клучни гласови во Сенатот, вели оти има многу поважни теми кои треба да се финансираат. Нејзината опозиција на владата ќе и го отежни носењето на даночниот план во целост.

Познатиот сервис за споделување превоз Uber веќе подолго време работи на развојот на летачки такси Uber Air, а како трет пилот-град после Далас и Лос Анџелес, компанијата го избра Мелбурн за тестирање на летачките такси возила.

Австралискиот прајминистер Скот Морисон изјави дека се состана со претседателката и извршниот директор на националната телевизија АВС во обид да ги смири тензиите по двете полициски рации против истакнати медиумски организации.

Прајминистерот Скот Морисон во првото заседавање на кабинетот по изборите, со министерски позиции награди двајца клучни сојузници. Во владиниот кабинет се наоѓаат седум жени.

Основачот на WikiLeaks, Џулијан Асанж, е префрлен во меедиционскиот оддел на британскиот затвор Белмарш, а неговата организација изрази сериозна загриженоста во врска со неговото здравје.

Бил Шортен ги загуби изборите кои не смееја да се загубат, и понатаму се поставува прашањето како лабуристите можеа толку да потфрлат. Сите анкети неколку години укажуваа на победа на лабуристите пред спектакуларното враќањето на Скот Морисон на власт, и неговата коалиција се најде во ситуација да може да формира мнозинска влада.

Меѓународната полициска група Интерпол во четвртокот објави дека девет лица се уапсени во Тајланд, Австралија и САД, а 50 деца се спасени откако истражувачите разбија педофилски ланец.

Скот Морисон и Бил Шортен во Западна Австралија ја промовираат својата предизборна кампања. Анкетите покажуваат дека можеби изборите нема да бидат толку предвидливи.
Гласачите можат да ги видат првите индикации на договорите на големите и малите партии во моментов и веќе предвремените гласачките места се отварени за гласање за федералните избори.

Премиерката на Нов Зеланд Џасинда Ардерн и нејзиниот партнер Кларк Гејфорд се свршија и ќе се венчаат, соопшти нејзиниот кабинет. Портпаролот на владата кажа дека двојката се свршила за Велигден.

Светските океани станаа потурбулентни во последните 33 години, со се поголеми бранови и посилни ветрови. Според најновата студија на научници од Универзитетот Мелбурн, ваквата ситуација ќе доведе до повеќе поплави на крајбрежните градови и до поголема ерозија на тлото.

Лабуристите нападнаа кандидат за Сенат на Либерално – националната партија кој изјави дека субвенционирањето на грижата за тригодишни деца е заговор со кој се има намера да се воведе контрола на владата над воспитувањето на децата.

Прајминистерот Скот Морисон ги осуди „разорните” бомбашки напади во Шри Ланка и наведе дека има двајца австралиски граѓани меѓу 300-те загинати и 500 повредените во нападите на хотели и цркви кои се случија за Велигден.

За време на неговата посета на Нов Зеланд, британскиот принц Вилијам беше пречекан со хонги, традиционален маори поздрав со притискање на носовите, од страна на премиерката Џасинда Ардерн, за време на комеморациите кои беа одржани во помен на нападите во Крајстчрч.

Пластичните кеси за еднократна употреба и микропластиката ќе бидат забранети во Австралија од 2021 година, стои во планот на лабуристите за намалување на отпадот.